Purezidenti Museveni na Maama Janet bataayaayise Kyabazinga wa Busoga

N’ebya Omushaki Waitu

Entebbe: 

Purezidenti Yoweri Museveni n’omukazi we kandi Minisita w’eby’obwegyese, Maama Janet Kataaha Museveni bataayaayise Kyabazinga wa Busoga, Wilberforce Gabula Nadiope IV n’omukazi we Inhebantu Jovia Mutesi omumaka gaabo omuri Entebbe.

Kyabazinga n’omukazi we Mutesi bakagaitwa ahabiro 18/11/2023 ahakanisa eya Christ Cathedral omuri Bugembe omu rurembo orwa Jinja.

Purezidenti Museveni, Maama Janet, Kyabazinga na Inhebantu aha State House, Entebbe..PPU Photo

Aha kihuro eki Purezidenti abatebeekanisiize, atabarukize Gabula ahabw’obushwere bwe n’okubajungira omukazi we nk’abazaire be.

Purezidenti ayongyeire yayaakiira Inhebantu okwegaita ahari Kyabazinga kutandikaho eka.

Purezidenti Museveni abahaire ente 100 nk’ekirabo.

Purezidenti Museveni ahaire Kyabazinga na Inhebantu ente 100 nk'ekirabo...PPU Photo

“Omu buhangwa bw’abanyankore, omwana ku arikureeta omukazi, torikwija n’ohuba emikono kwonka. Mbwenu nabaha ente 100 kwakira omukamwana,” Purezidenti arikugamba.

Hoona agarukire yahereza eka ya Inhebantu ente 20 nk’akasiimo.

Bamwe abaahikire ahakihuro eki...PPU Photo

Purezidenti ashabire Inhebantu kukozesa obwegyese bwe n’obukugu omumashomo g’ekibaro kushagika engiri ya NRM ey’okugira obugaiga kurwanisa obworo omuri Busoga.

Omukoro ogu guhikirweho abany’eishengyero kuruga omukyanga ekya Busoga,ba minisita kuruga omubukama obu, abanyabuzaare ba Inhebantu bebembeirwe ishe, Mr. Stanley Bayole n’abandi bakuru.

#WestUpdates