Engeri gy'okekkereza ssente ku mmere y'ebisolo n'ebinyonyi okufunamu

Dr. Emma Naluyima amanyiddwa nga Maama Pig, agamba nti eno ekozesebwa ng’okusinga basimba ensigo za Bale n’Eng’aano kyokka bino bya bbeeyi.

Ezimu ku nnimiro ze bakola okukuza amamera.

Abalimi abasinga bakozesa kasooli. Kasooli amezeseddwa, akozesebwa okukola emmere y’embizzi, ente n’enkoko. Okusinziira ku Dr. Naluyima, kkiro y’emberenge evaamu kkiro z’amamera 6.

Omu ku bakozi ng'ateekateeka ensingo ya Kasooli mwe bakuza amamera.

“Ssinga kasooli abeera ku 2,000/- kitegeeza buli kkiro ogigula 333/- bw’ogattako emisoso emirala ng’amazzi, abakozi, amasannyalaze kkiro eyinza okuggweera mu 500/-. Wabula, etabuddwa obulungi eggweera wakati wa 1,800/- ne 2,000/-.

Ekyuma gigasala ne gavaamu omuddo oguliibwa.

Embizzi erya kkiro z’amamera nnya olunaku nga kitegeeza obeera ogisaasaanyirizzaako 2,000/- olunaku ate eridde emmere entabule erya kkiro 3 olwo n’osaasaanya 6,000/- ssinga kkiro ogigula 2,000/-,” bw’annyonnyola.

Wano omulunzi abeera akekkerezza nnyo olwo amagoba ne geeyongera gogenda okufuna wamma n’onnyumirwa obulunzi bw’embizzi.

Agattako nti embizzi eziriisiddwa amamera, ennyama efuna akawoowo n’okuwooma ate enkoko zikuwa amagi g’enjuba za kyenvu omulungi n’okuwooma olwo n’ofuna akatale.