Nnusu 300/= zisobola okugoba Situka mu nviiri zo n’otoddayo kubonaabona

Situka bw'akusiiwa ng'olina enviiri enkulu obula okukwata ekkirita okuzisalako osigaze akawalaata. Bw'osanga amulina nga yayala mu mutwe, oyinza okulowooza nti ayiyeemu vvu oba buwunga kumbe ku byonna talina ky'ataddemu! 

Enniimu Evumulira Ddala Situka.

Ono atawaanya nnyo abantu okusingira ddala abakyala abasiba enviiri kyokka eekimuleeta ekikulu tekimanyiddwa bulungi. Wabula okusinziira ku bakugu, ono asobola okuva ku lususu lw’omutwe okubeeraamu woyiro omungi oba olususu olukalu ennyo.

Abantu ebiseera ebisinga beebuuza kye bayinza okukola okumugoba abamu ne beesanga nga basaasaanyizza obutitimbe bw’ensimbi okugula ebizigo eby’enjawulo okumugoba, kyokka luba ddaaki, ate n’addamu.

• Obadde okimanyi nti osobolera dda okugoba situka mu mutwe nga okozesezza nnusu 300 byokka? Ekyama kiikino ;
• Genda mu katale oba ku mudaala gwonna ogukuli okumpi ogule enniimu ya 300/=.
• Gyozeeko bulungi ogisale, ogikamule oggyemu omubisi ogugirimu.
• Omubisi guno gupime ku bijiiko bya caayi bibiri, obiteeke mu nviiri, obireke bibeeremu okumala eddakiika nga 3 ku 5.
• Bw’omala omutwe gunaaze, oluvannyuma ofune ate ekigiiko kimu ekirala eky’omubisi gw’enniimu okitabule mu tampeko emu ey’amazzi, oyumunguze mu mutwe gwo.
• Kino kikole okumala ebbanga eriwerako okutuusa lw’onoolaba nga situka omukubye oluku mu mutwe.