NARO evumbudde omuceere oguyamba aba sukaali

EKITONGOLE ekikola ku kunoonyereza ku by’obulimi n’obulunzi ekya National Crop Resources Research Institute (NaCCRI) e Namulonge kireese ekika ky’omuceere omuddugavu ogulimu ebiriisa eby’enjawulo ebiyambako ku balwadde naddala aba sukaali. Ekika ky’omucere guno kipya nga gutuumiddwa ‘Black Rice’.

Annet Nakayima, omukugu mu kitongole ekikola ku kunoonyereza ku muceere agamba nti, empooma y’omuceere guno tekyuka ku eyo eya bulijjo. Gusimbibwa ku lukalu, nga tegwetaaga mazzi mangi mu ttaka okukula ate gugumira endwadde. Ku myezi ena okungula ng’omucere omulala.

Annet Nakayima, Omukugu Mu Kitongole Ekinoonyereza Ku Muceere Ekya Naro.

Moses Tendo, omukugu mu by’obulimi mu kitongole kya JICA nga bakola okunoonyereza ne NARO, agamba nti:

l Bw’oba osimba omuceere, sooka oteeke amazzi mu bbaafu oluvannyuma oyiwemu omuceere. Oguleka mu mazzi okumala essaawa 24-36. Ebisituka ku ngulu obiggyako n’obisuula kubanga bibeera bisusunku.

l Oluvannyuma ogunnyulula n’ogubikkira mu kakutiya okumala essaawa 24-48. Wabula olina okugukeberako okulaba oba gumeruka. Oluvannyuma ogutwala mu nnansale bbeedi gusobole okumera obulungi.

l Togukkiriza kukulira mu nnassale, mu nnaku 15 guggyeemu ogusimbe mu kifo we gukulira.