Obubonero kw'olabira shafta eyeetaaga okutereeza

EMMOTOKA zitera okufuna ekizibu kya ‘Shafuta’ abamu ze baakazaako erya ‘ebigulu’. Shafuta y’emmotoka bw’efuna obuzibu oba nga yeefunyizza, erina ebizibu by’ereeta omuli n’okulemesa emmotoka okutambula obulungi.

Ereetera emmotoka okwemeketa ng’evaamu eddoboozi mu magulu naddala ng’oweta ekiyinza n’okuvaako okukola akabenje.

Makanika Nga Yeekebejja Shafuta.

Ivan Mugabi, makanika agamba nti, shafuta ku mmotoka ze zigatta omupiira ku gunnaagwo era ze ziyamba emipiira okukyuka ng’ovuga.

Shafuta zino nkulu nnyo kuba ze ziwa amaanyi yingini okuva mu ggiya bookisi okudda mu mipiira.

OBUBONERO KW’OTEGEERERA SHAFUTA ERIKO OBUZIBU
1. Okukankana ng’okuwulira wansi w’emmotoka.

2. Obuzibu mu kukyuka naddala ng’oweta ekkoona. Bw’olaba nga mmotoka yo erina ekizibu ekyo, manya nti, zi ‘U bolt’ zoonoonese, ate oba tosobola kuvuga mmotoka yo kubanga ebeera ejja kuba nga teteredde ku luguudo.

3. Okwemeketa ng’evaamu eddoboozi naddala ng’oweta. 4 Okukaluba ku muliro naddala nga bw’olinnyako ekigere okuyimirira oba okukendeeza sipiidi nga kikwetaagisa kulinnya nnyo.