Jjambula anuuna obutwa mu mubiri n’osaza kimu

JjAMBULA kibala abantu kye balya okutwaliriza ku budde, era bangi balowooza aliibwa baana bato, naye ng’alimu ebirungo bingi okuli; zinc, iron ne Vitamiini C, n’ebyo ebiyamba okulwanyisa obutwa obuyinza okutta obusimu bw’omubiri ne buvaako endwadde nga ez’omutima, kookolo n’endala nga bino byonna bya mugaso eri omusajja.

 Omukugu mu kukola eddagala ery’ekinnansi Dr. Francis Omujala okuva mu Natural Chemotherapeutics Research Institute (NCRI) agamba nti, singa omusajja yettanira jjambula afuna ebirungo ebiyamba okukuuma enkwaso nga ziri ku mutindo.

 Ayamba okukuuma omuwaatwa omuyita omusulo nga guli mu mbeera nnungi awatali kulumbibwa yinfekisoni yonna.

 Jjambula alina ekirungo kya ‘iron’ ekiyamba okunuuma obutwa mu mubiri gw’omusajja ne gubeera mulamu bulungi okukola obuvunaanyizibwa bwe.

 Ayamba okwongera ku bungi bw’amasavu mu mubiri n’okutambuza bulungi omusaayi okutuuka ku buli kitundu ky’omubiri gw’omusajja n’asobola okuguma n’okuwangaala mu kisaawe.

 Jjambula ayamba okwongera n’okulinnyisa obwagazi.

 Olw’ebirungo ‘iron’, Vitamini C, n’ebiwuziwuzi ebiri mu jjambula, omusajja bw’amulya afuna amaanyi ge yeetaaga okukozesa.