Emboozi
Abakristu basonze obukadde 379 eza SAAF
KAWEEFUBE w’okukung'aanya ssente ez’ensawo enzibizi ey’essaza Ekkulu ery’e Kampala, emanyiddwa nga SAAFU (Ssabasumba Annual Appeal Fund) akyagenda mu maaso n’okutongozebwa mu Vikariyeeti z’essaza ez’enjawulo.
Msgr. John Waynand Katende (owookusatu ku ddyo) ng'ali n'abaddukanya SAAFU; Ssentebe Kanyike (owookubri ku ddyo), Anne Katende (ku ddyo) ne Mukasa Ssebbowa (asibye ettaayi).
By: Bukedde Omusunsuzi, Journalist @NewVision
KAWEEFUBE w’okukung'aanya ssente ez’ensawo enzibizi ey’essaza Ekkulu ery’e Kampala, emanyiddwa nga SAAFU (Ssabasumba Annual Appeal Fund) akyagenda mu maaso n’okutongozebwa mu Vikariyeeti z’essaza ez’enjawulo.
Aba Vikariyeeti y’e Kampala be bakyasembyeyo okutongoza kaweefube ono ng'omukolo gwabadde mu Klezia Lutikko e Lubaga, ku Ssande. Gwatandise n'emmisa eyakulembeddwa Msgr. Waynand Katende, Cansala w’essaza ekkulu ery’e Kampala, Fr. Dr. Pius Male Ssentumbwe, Bwanamukulu w’ekigo kya Lutikko y’e Lubaga Fr. Achilles Mayanja, dayirekita wa SAAFU, Fr. Timothy Lukananso, omuwanika w’essaza Fr. Joseph Kasule, n’Abasosodooti abalala, abaavudde mu bigo eby’enjawulo mu dinale za Vikariyeeti y’e Kampala.
Ku mukolo guno, aba Dinale ya Yezu Kabaka (Christ the King), erimu ebigo nga Mengo Kisenyi, Kamwokya, Kigoowa, Kampala Mukadde ne Yezu Kabaka, baasonze obukadde 92, nga ku zino ekigo kya Yezu Kabaka kyasonzeeko obukadde 39, ate Kigoowa obukadde 20.
Dinale y’e Nakulabye erimu ebigo nga; Mulago, Kanyanya, Mapeera-Nabulagala, Nakulabye ne St. Kizito Bwaisebaakung'aanyizza obukadde 51 n’emitwalo 23.
Aba Dinale y’e Nsambya, erimu ebigo nga Kansanga, Kibuye-Makindye, Kyamula-Salaama, Nsambya, Munyonyo, ne Kkonge-Lukuli, baasonze obukade 84 n’emitwalo 44. Aba Dinale y’e Naggulu, erimu ebigo nga Yuda Taddeo Naggulu, Bbiina, Kiwaatule ne Ntinda baasonze obukadde 65.
Dinale y’e Nakulabye erimu ebigo nga; Mulago, Kanyanya, Mapeera-Nabulagala, Nakulabye ne St. Kizito Bwaisebaakung'aanyizza obukadde 51 n’emitwalo 23.
Aba Dinale y’e Nsambya, erimu ebigo nga Kansanga, Kibuye-Makindye, Kyamula-Salaama, Nsambya, Munyonyo, ne Kkonge-Lukuli, baasonze obukade 84 n’emitwalo 44. Aba Dinale y’e Naggulu, erimu ebigo nga Yuda Taddeo Naggulu, Bbiina, Kiwaatule ne Ntinda baasonze obukadde 65.
Aba Dinale y’e Lubaga, erimu ebigo nga Lutikko y’e Lubaga, Mutundwe, Ndeeba, ne Busega, baasonze obukadde 79. Ab’olukiiko olukulembera Abakristu b’essaza Ekkulu ery’e Kampala, baawaddeyo emitwalo 50.
Omukolo we gwaggweeredde ng’Abakristu basonze obukadde bwa ssente za Uganda 379.
Ssentebe w’Olukiiko lwa SAAFU, Edward Kanyike yategeezezza nti ssente za SAAFU, Ssaabasumba yasalawo bazikozese okuzimba ennyumba y’Abasosodooti abakadde, n’abalwadde e Bweya - Kajjansi.
Yakunze Abakristu buli omu aweeyo 10,000/-, buli mwaka, n’ategeeza nti kino singa kikolebwa, essaza liba lifuna obuwumbi 20 buli mwaka, ne lyeyimirizaawo nga teryesigamye ku buyambi obuva ebweru.
Yasabye abazadde okukuza abaana mu ddiini, empisa nga bwe babakubiriza n'okuwaayo ku lwa Katonda.
Cansala w’essaza, Fr. Dr. Pius Male eyakiikiridde Ssaabasumba Paulo Ssemogerere, yasiimye Abakristu olw’okwagala Klezia n’okuwagira emirimu gyayo. Yagambye, ebibatawaanya omuli ebbula ly'ensimbi, obulwadde, ffiizi n'ebirala, bireme kubaterebula kuba Katonda gwe baweereza mulamu, era tayinza butabawa nneema na bugabirizi bwe.
Msgr. John Waynand Katende eyabadde omutambizi omukulu, yeebazizza Abakristu olw'okuwaayo.
Amyuka ssentebe wa SAAFU, era nga ye mukung'aanya w'Olupapula lwa Bukedde, Michael Mukasa Ssebbowa yajjukizza Abakristu nti kuno kwabadde kutongoza butongoza, n'abasaba okugenda mu maaso nga bakung'aanya SAAFU, omwaka gwonna. Omukolo gwetabiddwaako n’abakyala Abakatoliki abaavudde mu kigo ky'e Kireka, n’ababaka b’ekitongole ky’essaza eky’obwenkanya n’emirembe
Omukolo we gwaggweeredde ng’Abakristu basonze obukadde bwa ssente za Uganda 379.
Ssentebe w’Olukiiko lwa SAAFU, Edward Kanyike yategeezezza nti ssente za SAAFU, Ssaabasumba yasalawo bazikozese okuzimba ennyumba y’Abasosodooti abakadde, n’abalwadde e Bweya - Kajjansi.
Yakunze Abakristu buli omu aweeyo 10,000/-, buli mwaka, n’ategeeza nti kino singa kikolebwa, essaza liba lifuna obuwumbi 20 buli mwaka, ne lyeyimirizaawo nga teryesigamye ku buyambi obuva ebweru.
Yasabye abazadde okukuza abaana mu ddiini, empisa nga bwe babakubiriza n'okuwaayo ku lwa Katonda.
Cansala w’essaza, Fr. Dr. Pius Male eyakiikiridde Ssaabasumba Paulo Ssemogerere, yasiimye Abakristu olw’okwagala Klezia n’okuwagira emirimu gyayo. Yagambye, ebibatawaanya omuli ebbula ly'ensimbi, obulwadde, ffiizi n'ebirala, bireme kubaterebula kuba Katonda gwe baweereza mulamu, era tayinza butabawa nneema na bugabirizi bwe.
Msgr. John Waynand Katende eyabadde omutambizi omukulu, yeebazizza Abakristu olw'okuwaayo.
Amyuka ssentebe wa SAAFU, era nga ye mukung'aanya w'Olupapula lwa Bukedde, Michael Mukasa Ssebbowa yajjukizza Abakristu nti kuno kwabadde kutongoza butongoza, n'abasaba okugenda mu maaso nga bakung'aanya SAAFU, omwaka gwonna. Omukolo gwetabiddwaako n’abakyala Abakatoliki abaavudde mu kigo ky'e Kireka, n’ababaka b’ekitongole ky’essaza eky’obwenkanya n’emirembe