Emboozi

Ab'ekibiina kya KOFIH batadde amaanyi mu kulwanyisa kookolo w'omumwa gwa nnabaana

Ekibiina kya Korea Foundation for International Healthcare (KOFIH), nga kikolagana ne Uganda Cancer Institute, kitadde amaanyi mu kulwanyisa kookolo w’omumwa gwa nnabaana mu bakyala mu Uganda, nga kiyita mu kwongera okukebera abakazi, okuzuula obulwadde nga bukyali n’okubawa obujjanjabi obwetaagisa.

State minister for primary health care dr. Charles ayume ne Ed of Uganda cancer institute Jackson orem n'abakungu ba kofih
By: Bukedde Omusunsuzi, Journalist @NewVision
Bya Zulaika Iqra Nakato 
 
Ekibiina kya Korea Foundation for International Healthcare (KOFIH), nga kikolagana ne Uganda Cancer Institute, kitadde amaanyi mu kulwanyisa kookolo w’omumwa gwa nnabaana mu bakyala mu Uganda, nga kiyita mu kwongera okukebera abakazi, okuzuula obulwadde nga bukyali n’okubawa obujjanjabi obwetaagisa.
 
 Enteekateeka z’okukebera obulwadde, okubuzuula nga bukyali n’okujjanjaba abalwadde. Kino by'ebimu ku byakulembedde mu lukiiko lw'okwanjula ebivudde mu pulojekiti ya CANCAP-Uganda ne Korea Foundation for International Healthcare (kofih) olutudde leero ku Fairway Hotel mu Kampala.
 
Olukiiko luno lwetabiddwamu abakulembeze b’ebyobulamu ( Ministry of health) Uganda Cancer institute, abakola mu pulojekiti n’abakungu ba Gavumenti.
 
Mu kiseera kya pulojekiti, aba Kofih basobodde okukebera abakazi okuva mu Kampala ,Mbarara ne Gulu abasoba mu 12695 okuva Mbarara District, 24,718 bava Mbarara City ,33,134 Kampala city  omugaate bali 70,547 nga 
abantu abasoba mu 5,000 bafunye obujjanjabi bw’ebizimba ebisookerwako ebiyinza okuvaamu kookolo.
 
okuva mu mwaka gwa 2024 ,2025 ne 2026 abaasangibwa ne kookolo w'omumwa gwa nnabaana ng'akyali ku stage esooka  baafuna obujjanjabi bw’ebizimba ebisookerwako ebiyinza okuvaamu kookolo.
State minister for primary health care dr. Charles ayume ne Ed of Uganda cancer institute Jackson orem n'abakungu ba  kofih

State minister for primary health care dr. Charles ayume ne Ed of Uganda cancer institute Jackson orem n'abakungu ba kofih

 
Mu kwogera ku pulojekiti eno, Dr Jackson Orem, Executive Director wa Uganda Cancer Institute, ategeezezza nti obumu n’abakolagana nabo mu by’obulamu bukulu nnyo mu kulwanyisa kookolo, naddala okwongera okufuna obuweereza bw’okukebera n’okuzuula obulwadde nga bukyali.
 
 
Dr Mugabe Frank naye abadde omu ku beetabye mu lukiiko luno, ng'essira ali tadde ku kwekebezza kookolo(screening)  n’okujjanjaba kookolo w’omumwa gwa nnabaana nga akyali
 
State Minister of Primary  Health Care,Hon.Dr. Ayume Charles  asimbiddeko ku bukulu bw’okussa amaanyi mu nteekateeka z’ebyobulamu ezituuka ku bakyala, n’okukubiriza abantu okwekebeza obulwadde obutalinda bubalage bubonero kubanga  kookolo w’omumwa gwa nnabaana atadikiila ku bawala bali mumyaka 13 mpaka ku bakulu nga pulijekiti ya Kofih ne Uganda cancer institute basobode okubajjanjaba n'okukebera obulwadde nga tebunakula ekiyabyeko okulwanyisa kookolo.
 
Sherifah Nabikande, akulira pulojekiti eno, annyonnyodde ebikoleddwa mu bifo pulojekiti mwe abadde ekolera, omuli okutendeka abasawo, okugula n’okutuusa ebyuma eby’okukebera kookolo, n’okwongera okumanyisa abantu ku ngeri y’okwewala obulwadde
Tags: