Ensonga lwaki Levy yatemye Mourinho akabazi

Ensonda munda zaategeezezza nti Levy yafuumudde Mourinho kubanga abadde tayagala kufiirwa bazannyi be abamannya ttiimu kw'ebadde yazimbibwa ababadde batiisatiisa okwabulira ttiimu ku nkomerero ya sizoni eno.

Ku bano kuliko kapiteeni wa Spurs, Kane, Harry Winks, Dele Alli, Gareth Bale gwe babadde balinamu essuubi nti wadde ali ku looni okuva mu Madrid yandikuba enkyukira n'asigala mu ttiimu kyokka ekibaddewo ng'alaga tannakola kusalawo kuba emipiira gye yaakazannya wansi wa Mourinho gibadde gibarirwa ku ngalo.

Ye musajja wattu Delle Alli azannye emipiira 2 gyokka wansi wa Mourinho.