Spice Diana asuubizza okulaga omwami amulya obwongo essaawa yonna
Oct 25, 2021
SPICE DIANA acamude abawagizi be bw'abasuubiza okubalaga omwami we mu kiseera ekitali ky'ewala nti kubanga akooye okulaba banne nga bafumbirwa nga ye atunula.
By Ignatius Kamya
Journalist @New Vision
Bwe yabadde ku kwanjula kwa Lule owa Pakalast okwabaddewo ku Lwokuna lwa wiiki ewedde e Mpererwe yagambye nti ebikwatagana ku mwami we (gw'ataayogedde), mukwano gwe omuyimbi Irene Namatovu abimanyi era bwe wabaayo abuusabusa asobola okumutuukirira.
Cake
Kyokka bwe yabadde ku kabaga k’amazaalibwa ge mikwano gye ke baamutegekedde ku Serena e Kigo akeetabiddwako ne Maama we waliwo abamu obwedda abamusoomooza nga bwe babuuza nnyina oba nga ebya Spice ne maneja we Roja ebyogerwa bituufu.
Spice N'abamu Ku Bayimbi Ababadeyo
Maama yabategeezezza nti ebyo be babimanyi kubanga muwala we tamwanjulirangako Roja ng’omwami we era n'asaba abantu okukikomya kubanga Roja amuyambako ku bya muziki tewali kirala.
Spice Diana Ne Maama We
Spice Diana ne maama we
Kino kyalese mikwano gya Spice nga beebuuza omusajja ow’omukisa oyo gw'ayogerako.
Akabaga keetabiddwako n’abayimbi bangi mikwano gya Spice nga bakulembeddwamu Jose Chameleon Ykee Benda n'abalala.
Spice Ng'asala Ceeki N'abamu Ku Bayimbib Ababadeyo
Diana Nabatanzi
No Comment