Chris Evans akubye ab'e Budankula omuziki Bimaama ne bimuwanula ku siteegi n'alaajana: 'Bannaaaange temuuuunsala nsawo'
OMUYIMBI w'ennyimba z'omukwano, Chris Evans Kaweesi akubye abadigizze b'e Bukandula endongo abakyala ne bamuyiikira okukkakana nga bamuwanudde ku siteegi ne bamuteeka ku ttaka basobole okuzinako naye n'okumukwatako mu kiwato.
Chris Evans akubye ab'e Budankula omuziki Bimaama ne bimuwanula ku siteegi n'alaajana: 'Bannaaaange temuuuunsala nsawo'
By Bukedde Omusunsuzi
Journalists @NewVision
Chris Evans olw'asuddemu akayimba ke akapya aka 'Weabale mukama' ,olwo abadigize abaabadde batudde mu butebe ne babuvaamu ne batandiika okuzina nga beebaza Mukama okubajja ku muggalo ng'eno bakira abafuuyi b'ebbidde beegiriisa nga ekigotta entula gyooli basiibula nsi!.
Bano baalabye tekibamalidde ne bamusalako ne bamuza gye baabadde batudde olwo n'atandiika okubakuba obuyimba bwe bwonna obw'omukwano.
Kyokka n'abasaba obutamusala nsawo kuba obusente bwe bwe yabadde nabwo baabadde baakabumufuuwa e Mateete gye yasoose era bwe yabadde agenda okugulamu ekikomando kuba talina amufumbira, ekintu eyasanyudde ennyo abantu ne bongera okumufuuwa endala, era naye teyabatimaye n'abasabula endongo eyabalesse nga basaba anko.
