Omuyimbi Julie ali mu kucacanca olwa bba okuweebwa Obwami

BBA w’omuyimbi Julie Heartbeat agudde mu bintu. Kabaka amulonze okukulembera Essaza eppya erya Rhenelands mu Budaaki ( Netherlands) nga yatwala n’amawanga okuli; Belgium, Germany, Luxemburg ne Switzerland.

Omukungu Sam Ssekajjugo abeera mu Budaaki kyokka nga nzaalwa y’e Kyampisi mu Mukono ye yagudde mu bintu era bino olwagudde mu matu ga Julie naye nga kati abeera naye n’awaga.

“Nze ani kati mukyala w’omukungu Ssekajjugo, Mukama nga wa maanyi era atwagadde okutuuka ku kkula lino,” Julie bwe yagambye omusasi wa Bukedde ku ssimu bwe yabadde alaga essanyu Omuyimbi Julie ali mu kucacanca olwa bba okuweebwa Obwami n’okujagulizako bba.

Ssekajjugo y’omu ku baafulumidde ku lukalala lw’amannya mu nkukakyukka Kabaka ze
yakoze mu baami be ku mitendera egyenjawulo mu Uganda n’ebweru w’eggwanga.

Essaza lya Rhinelands lye limu ku mapya agaatondeddwawo era ono kati amyukibwa Muky. Linda Sekayita.

Ssekajjugo yategeezezza nga bw’ali omwetegefu okuweereza Ssaabasajja n’abantu be ng’abasakira n’okufuna bayinvesita.