Kasalabecca
Eyawangudde eza Miss Uganda High School waakusomera bwereere omwaka mulamba!
Ono yamezze banne abalala 11 mu mpaka ezaategekeddwa Brenda Nannyonjo ategeka n’eza Miss Uganda
Eyawangudde eza Miss Uganda High School waakusomera bwereere omwaka mulamba!
By: Ignatius Kamya, Journalist @New Vision
ALMORIE Naggayi atikkiddwa ku bwannalulungi bw’amasomera ga haaya ne yeewangulira bbasale okusasula ebisale by’essomero okumala omwaka Mulamba.
Abazadde bwe baabadde bawagira abaana baabwe.
Ono yamezze banne abalala 11 mu mpaka ezaategekeddwa Brenda Nannyonjo ategeka n’eza Miss Uganda era nga zino baabadde baziyita Miss Uganda High School nga zaabadde ku Motiv mu Industrial area mu Kampala.
Naggayi asomera ku Aga Khan ye muwanguzi w’empaka zino asoose kubanga guno gwe mulundi ogusoose okuzitegeka. Ng’oggyeeko fiizi, ono era yeewangulidde n’olugendo okugenda e Zanzibar okuwummulamu.
Hellen Lukoma (wakati) Ng'awagira Almorie Eyawangudde.
Abaana abaazeetabyemu baayolesezza obukugu mu bintu eby’enjawulo okwabadde okutontoma, okuzina, okutunga, okumodola n’okwolesa emisono egy’enjawulo era eyabadde asinze obubonero ye yabadde awangula.