Spice Diana bamubbuddemu ekisulo ky’abayizi n’azimba

SPICE Diana bamubbuddemu ekisulo ky’abayizi ne yeewaana nti; “sikyali wa badongo bokka, ndi wa Uganda yonna”. 

Bwe baabadde bajaguza okuweza emyaka 16, aba St. Andrew’s College Ssanda e Nakawuka, baayise omuyimbi Hajarah Namukwaya amanyiddwa nga Space Diana okuba omugenyi omukulu. 

Mu mbeera ey’okukakasa nti basiima by’akola, baamubbuddemu n’ekisulo ky’abamu ku bayizi ekyagguddwaawo ku mukolo ogwabadde ku ssomero ku Lwomukaaga.

 Spice eyabadde omusanyufu, yasoose kubasiima olw’okumwagala ne batuuka ‘n’okumuvimbisa’. Kuno yagasseeko okubuulirira abaana okusoma, obuteetiririira n’okukola ennyo batuuke ku biruubiriwa byabwe.