Bebecool atongozza alubaamu y'ennyimba ezigenda okutunda ku katale k'ensi yonna

OMUYIMBI Moses Ssali, amannya ge ku siteegi nga ye Bebecool atongozza olutambi lwe lwe yatuumye “Break The Chains” okuli ennyimba 16, nga zonna za lungereza olukyasinze okubeera olw’ebbeeyi mu Uganda.

Abamu Ku Bawagizi Ba Bebe Abaabaddeyo.

 “Break The Chains” kitegeeza okukutula enjere, Bebe Cool yabadde agezaako okutegeeza nti ennyimba ze zino 16, eziri ku lutambi lwe luno ze zigenda okukutula enjere ze asobole muziki we okuvuganya ku katale k’e nsi yonna omuli n’amawanga g’e Bulaaya.

Mummy Zuena N'abaana Be , Alpha Ku (kkono) Ne Beata

Amerika n’ensi za Afrika zonna omuli ne Nigeria gye yakoledde ezimu ku nnyimba zino eggwanga ku lukalu lwa Afrika mu kiseera kino omusinga okuva abayimbi ab’amaanyi abavuganya n’abazungu.

Yalutongozza ku Lwokuna ku bbaala ya Noni Vie e Lugogo okumpi ne Forest Mall nga yayise mikwano gye abayimbi ab’amaanyi.

Chamilli Ng'abuuza Ku Sseguya Owa Bukedde Ku Mukolo Guno.

Kuno bano kwabaddeko Dr. Jose Chameleon, Juliana Kanyomozi, Cindy, Aplus, Baraka, Alien Skin n’abalala gattako abanene mu ggwanga abawagira endongo okwabadde Hajjati Hadijah Namyalo akulira offiisi ya ssentebe wa NRM mu Uganda , bannamawulire n’abasuubuzi  okuwuliriza ennyimba ze zino nga bwa zibannyonnyola kye zitegezza lumu ku lumu.

Bebe Cool agamba nti bwe yali atandika okuyimba yalowoozanga nti okufuuka owaakabi olina kukwata kazindaalo n’oyimba naye bw’otuuka ku muziki ogukubibwa ku katale k’ensi yonna biralamu.

Alien Skin Ng'abuuza Ku Bebe.

Yategeezezza nti ng’oggyeeko okubeera n’ekitone, kyetagisaamu ssente nnyingi n’okugenda mu mawanga agamanyi eky’okukola gy’obeera okoleera ennyimba zino.

Ezimu ku nnyimba  Bebe Cool ya zikwatidde Nigeria ne Bungereza eri abakugu mu kutabula ebirungo mu muziki abakoleera n’omuyimbi Davido naye beeyakozesezza.

Oluyimba lwe olusooka ku lutambi “Break The Chains” baluyita “Boy Like Me” yagambye nti yabadde annyonnyola omugaso gw’omwana ow’obulenzi kubanga abantu abasinga balwanirira mwana muwala yekka.

Baakubye N'ebiriro.

Save My Soul, yaluyimbira muwala we Beata Ssali eyali omulwadde mu kaseera ekyo we yakoleera ennyimba zino e Bulaaya ne yeegayirira Katonda ataase omwana we ono, Afrika Love ft Yemi Alade , yabadde aluyimbira mukyala we Zuena, kw’ogatta n’ennyimba endala okuli ; “Zero Omission, Cheque ft Joshua Baraka,  Game it DJ EDU, Hips Don’t Lie, Home, Body Bounce, Circumfrence, Motivation, Alright, Hidden Agendas, Wait & Rectangle Love”.