Miss Uganda awangudde engule ku Miss world
May 30, 2025
NNALULUNGI wa Uganda, Natasha Nyonyozi awangudde engule ya Beauty with Purpose Africa mu mpaka za Miss World eziyindira e Buyindi. Engule eno eweebwa nnalulungi okusinziira ku pulojekiti z’akola mu ggwanga lye.
By Musasi Bukedde
Journalist @New Vision
NNALULUNGI wa Uganda, Natasha Nyonyozi awangudde engule ya Beauty with Purpose Africa mu mpaka za Miss World eziyindira e Buyindi. Engule eno eweebwa nnalulungi okusinziira ku pulojekiti z’akola mu ggwanga lye.
Ono y’omu ku bannalulungi abasatu okuva mu mawanga ag’enjawulo abaatuuse ku fayinolo mu mutendera guno era nga yekka okuva mu Africa, ekitegeeza nti eya Beauty With Purpose Africa ye yagiwangudde.
Pulojekiti gye yawadde abasazi b’empaka zino ye y’okuba nti alwanirira okulaba ng’abaana abaliko obulemu ku bwongo nabo bafiibwako okufaananako abalala era nga yakutte ku bangi anti tebatera kulaba abyogerako.
Okuwangula engule eno kyategeezezza nti yagikomezzaawo mu Uganda omulundi ogwokubiri ogw’omuddiring’anwa oluvannyuma lwa Hannah Karema okugiwangula omwaka oguwedde.
Brenda Nanyonjo, omutegesi w’empaka za Miss Uganda yategeezezza nti balina essuubi lya maanyi nti ku mulundi guno Uganda egenda kukwata ekifo kya ku mwanjo nnyo okusinga ku ky'omunaana mu nsi yonna, Karema kye yakwata omwaka oguwedde.
Omuwanguzi w’empaka za Miss World alangirirwa Lwamukaaga.
No Comment