Kasalabecca
Winnie Nwagi ab'e Rukungiri bamuyisizzaamu eggaalo!
ABAANA b’e Rukungiri, bayisizzaamu Winnie Nwagi eggaali nga bamugoba ave ku siteegi. Nwagi eyabadde yeesaze akapale akamukutte, yatuuse ku siteegi ebintu ne bimusobera olw’ebyuma ebyabadde bivaavaako wakati ng’ayimba era wano abawagizi obusungu ne babuzza ku ye.
Winnie Nwagi ab'e Rukungiri bamuyisizzaamu eggaalo!
By: Musa Ssemwanga, Journalist @New Vision
ABAANA b’e Rukungiri, bayisizzaamu Winnie Nwagi eggaali nga bamugoba ave ku siteegi. Nwagi eyabadde yeesaze akapale akamukutte, yatuuse ku siteegi ebintu ne bimusobera olw’ebyuma ebyabadde bivaavaako wakati ng’ayimba era wano abawagizi obusungu ne babuzza ku ye.
Omuzindaalo gwasirise ng’abantu tebalina kye bawulira, okwekyanga ne kutandika. Abawagizi abamu bakira bagamba nti oba baleese Nwagi wa bicupuli nti era gwe balaba ku siteegi mukovvu nnyo n’amafiga talina nga wano we baatandikidde okumugoba abaviire.
Omanyi ennaku zino Nwagi yasala omubiri nga takyalina guli gwa abawagizi be gwe baali bamanyidde mwe yanyeenyezanga wato nga n’ekyensuti kyekyo ekyalagirwa. Yamanyibwa na nnyo ku kwesala obukete mwe yakubira nga ddansi abawagizi be ne baanaamirira.