Kimote ne Nkinzi zeetisse awaadi za ffirimu

FFIRIMU ya Kimote n’eya Nkinzi zikukumbye awaadi ku mukolo ogwategekeddwa ekitongole kya Uganda Communications Commission okusiima aba ffirimu.

Omukolo gwetabiddwaako bannakinku mu kuzannya ffirimu mu Uganda era abamu ku bo bazzeeyo eka nga basanyufu oluvannyuma lw’okulangirirwa nti be basinze bannaabwe mu kuzannya ffirimu.

Mendez Kintu Yawangudde Eky’asinze Okuzannya Mu Ffirimu Ya Kimote.

Kimote yawangudde awaadi 6 mu biti eby’enjawulo ate Nkinzi n’evaawo na 4. Awaadi okwabadde Best Director (Rehema Nanfuka), Feature Film (Aidah Nalubowa ne Rehema Nanfuka), Editing ne Screen Play zaawanguddwa abantu ab’enjawulo aba Nkinzi.

Aba Kimote baatutte Best Film (Mendez Kintu), Supporting Actor (Roger Masaba), Cinematography (Eric Wamasebu), Costume Design, Production Design ne Make-Up Design.

Rehema Nanfuka Ne Aidah Nalubowa Aba Nkinzi Baawangudde Best Feature Film. Ku Ddyo Ye Mbabazi Ne Ruganda, Abaaliko Ba Katikkiro Ba Uganda.

Sisita Dominic Dipio yaweereddwa engule ya Lifetime Achievement.

Omukolo gwetabiddwaako abaali ba Katikkiro ba Uganda; Amama Mbabazi ne Ruhakana Rugunda, minisita wa tekinologiya, Dr. Chris Baryomunsi ne minisita omubeezi owa tekinologiya, Joyce Nabbosa Ssebugwawo.

Baryomunsi yagambye nti gavumenti nneetegefu okuwagira aba ffirimu era balina okwetereeza.