Kasalabecca
Omugole wa 'Honalebo' Mbidde azadde
OMUGOLE wa ‘honalebo’ Dr. Fred Mukasa Mbidde azadde. Mbidde, yakiikirirako Uganda mu Palamenti ya East Afrika era y’amyuka pulezidenti wa DP. Yakuba omuwala Phiona Nayebale embaga mu 2023.
Omugole wa 'Honalebo' Mbidde azadde
By: Musa Ssemwanga, Journalist @New Vision
OMUGOLE wa ‘honalebo’ Dr. Fred Mukasa Mbidde azadde. Mbidde, yakiikirirako Uganda mu Palamenti ya East Afrika era y’amyuka pulezidenti wa DP. Yakuba omuwala Phiona Nayebale embaga mu 2023.
Mbidde Ne Phiona
Baabagattira mu Klezia ya Uganda Martyrs Basilica e Munyonyo, Kampala. Omukolo gwaliko abeebitiibwa abawera okuli; omumyuka wa sipiika wa Palementi, Thomas Tayebwa ne minisita Norbert Mao ate nga minisita Haruna Kasolo ye yali ‘Best Man’.
Abayimbi okuli; Bebe Cool, Chameleone ne Nina Roz baalanyusa abantu. Ababadde beebuuza ebibala by’embaga, bimaze ne bimeruka era Phiona yazadde muwala.
Nga musanyufu bya nsusso, Mbidde yatadde obubaka ku mukutu gwe ogwa X ne yeebaza omugole okuyita mu lutalo lw’okuzaala era n’amusuubiza nti, okufa kwe kulibaawukanya. Omwana eyazaaliddwa, yamuwadde erinnya lya Shatsi Nyonyozi Mbidde.