Poliisi e Ntebe, eri mu kuyigga abazigu abafumbikirizza omusirikale wa poliisi ne bamufumita ebiso ne bamuleka ng'ataawa
Poliisi e Ntebe, eri mu kuyigga abazigu abafumbikirizza omusirikale wa poliisi ne bamufumita ebiso n'okumutemaatema, ne bamuleka ng'ataawa.
Poliisi e Ntebe, eri mu kuyigga abazigu abafumbikirizza omusirikale wa poliisi ne bamufumita ebiso ne bamuleka ng'ataawa
Poliisi e Ntebe, eri mu kuyigga abazigu abafumbikirizza omusirikale wa poliisi ne bamufumita ebiso n'okumutemaatema, ne bamuleka ng'ataawa.
Omusirikale wa poliisi mu kitongole ekirwanyisa obutujju ng'akolera mu Oli and gas, yaweereddwa ekitanda mu ddwaaliro e Ntebe ng'afunye ebisago ebyamaanyi mu kiro ekikeesezza leero.
Ye PC Gedion Ndyomugenyi 27 nnamba 77007 era ng'akolera ku poliisi e Ntebe ng'asingiddwako ebiwundu bina ku mutwe ku nsingo ne mu kyenyi . Ali mu Grade B e Ntebe.
Kitegeezeddwa nti ku ssaawa nga bbiri ekiro, Gedion ng'ali ne musirikale munne Innocent Mfitumukiza, baagenze ku Mapema Bar e Lunnyo e Ntebe ne banywa nti ku ssaawa nga ssatu Innocent ye yavuddeyo okudda mu bbaracks n'alekayo Gedion.
Kitegeezeddwa nti ku ssaawa nga Mukaaga ekiro, Gedion atuuse ku barracks ng'akuba enduulu n'okulajana, nti Innocent agenze okuggulawo, amusanze mu kitaba kya musaayi wabweru kwekutemya ku poliisi emwongeddeyo mu ddwaaliro.
Tekinnamanyika kiki ekibaddewo n'okuzuula abali emabega w'obulumbaganyi buno