Omukazi hamwe n’abarongo be baitsirwe- Nakaseke.

N’ebya Stuart Yiga

NAKASEKE

Pooriisi omu disiturikiti eya Nakaseke eriyo necondooza okufa kw’omukazi hamwe n’abarongo be abarikuteekateekwa kuba baitsirwe.

Ekikorwa ky’obwinazi eki kibaireho aharw’okubanza ebiro 23/10/2023.

Okurugiirira aha mugambirizi wa Pooriisi ahabw’ekyanga ekya Savannah, Sam Twineamaziima, eki kibaire omu kyaro kya Kiryasabo omu muruka ogwa Ngando omu gomborora eya Ngoma.

Pooriisi negamba abaitsirwe nka; Proscovia Namusoke, 25 hamwe n’abarongo be, Nakato na Babirye.

Twineamaziima naagira ngu ebyahikireho kuruga omu kucondooza nibyoreka ngi ahari shaaha nka emwe y’omwabazyo, omuntu omwanyirwe nka Naigaga, muriraanwa kandi munywani w’omugyenzi agiire kureeba ahari munywani we nka buraijo beitu agweriirwe akagwe bwanyima y’okushanga afiire n’abaana be 2.

Emitumbi y’abantu 3 ebaire ebyami omunda ya teenti omu musiri.

Twineamaziima naagira ngu Pooriisi eizire yatwara emitumbi y’abagyenzi ah’eirwariro erya Nakaseke obwo okucondooza kurikugyenda omu maisho.

Eki n’ekikorwa kya kabiri ky’obwitsi kubaho omu disiturikiti eya Nakaseke kubaho omu bwire bwa wiiki emwe.

Aharwamukaaga ebiro 21/10/2023, abantu abatakamanyirwe bakateega omwegi wa P.6 ab’eishomero erya Apex Primary School omu kyaro ekya Kirangazi omu gomborora eya Ngoma nikwo kumuhamba na bwanyima bakamuniganiga mpaka afiire barikukoresa empire ye y’omunda.

#WestUpdates