Omukazi n’abarongo be 2 baitsirwe omuri Nakaseke.

N’ebya Omushaki weitu

NAKASEKE

Ekyekango n’okutiina byashweka abatuura b’omu kyaro kya Kilyasabo omu gomborora eya Ngoma omu disiturikiti eya Nakaseke bwanyima y’omukazi w’emyaka 26 n’abarongo be 2 b’omwaka gumwe kushangwa bafiire.

Emitumbi y’abantu 3 yaareebwa omu kasheeshe k’eriizooba Sande ebiro 05/11/2023 omu kaju aku babaire nibaturamu omu faamu omu kyaro ekya Kilyasabo omu gomborora eya Ngoma.

Sam Twineamaziima, Omugambirizi wa Pooriisi ahabw’ekyanga ekya Savannah naagamba abagyenzi nka; Proscovia Namusoke, owarugire Luwero kwija kukora hamwe n’abaana be 2 b’abarongo abamanywaho erya Babirye na Nakato.

Okurugiirira ahari Twineamaziima, emitumbi y’abagyenzi yashangwa etineho buhuta bwona nainga ekirikworeka ngu bateirwe kandi babaasa kuba bafiire bwanyima y'okubura obwikizo nainga kuba bariire obutwa.

Twineamazima naagira ngu Pooriisi yaija kumanya amakuru aga bwanyima y’okutunga okumanyisibwa kuruga ahari Josephine Naigaga owaaba agiire kubareebaho akashanga Namusoke n’abaana 2 bafiire.

Omugambirizi wa Pooriisi ahabwa Savannah, yaagira ngu Pooriisi yayihaho emitumbi yagitwara omu kabafu ah’eirwariro erya Nakaseke kukyeberwa obwo okucondooza kurikugumizamu.

Mathias Mugisha, orikukurira eby’okwerinda omu kyaro ekya Ngando yaagira ngu omukazi ogu abaire atarikumanywa omu kyaro eki.

Mugisha yayongyeraho ngu ekikorwa eki nikijaho bwanyima y’ebiro bikye abainazi abatakamanyirwe baherize kukwata omwishiki w’eishomero wa P.6 bakamuteera ekirayini bakamuhamba na bwanyima bakamwita.

#WestUpdates