FDC etooraine Erias Lukwago nka purezidenti w’ekibiina

FDC etooraine Erias Lukwago nka purezidenti w’ekibiina

N’ebya Isaac Nuwagaba
 

Orukiiko rw’ekibiina ekya FDC orwetsirweho Ceeyamaani wakyo, Wasswa Birigwa, rucwiremu okubinga Purezidenti waabo Patrick Amuriat Oboi n’omuhandiiki mukuru w’ekibiina, Nandala Mafabi ahabw’emicwe mibi n’obutaikirizana oburi omu FDC.

Obwo bebembeirwe Birigwa, abantu barikurenga omuri 100 baagizireho orukiiko ahari Katonga road omuri Nakasero nyomwabazyo.

Isaac Ariyo kuruga Fort Portal okwatiirwe Katonga nyomwabazyo...(Photo by Isaac Nuwagaba)

Arikugambaho n’abanyamakuru, Omuny’eishengyero wa Kira Munisiparite, Ibrahim Ssemujju Nganda agiizire ngu orukiiko oru rucweiremu okubinga Purezidenti w’ekibiina Patrick Amuriat Oboi nikwo kutoorana Lord Meeya Erias Lukwago kumuza omubigyere.

Abahagizi ba FDC ahari Najjanankumbi barikushaba ab'eby'okwerinda kwemereza orukiiko rwa Birigwa... (credit Isaac Nuwagaba)

Omuhandiiki mukuru w’ekibiina Mafabi nawe abingirwe kandi omuhwezi we Harold Kaija atoorainwe kumuza omubigyere. Kandi Omuny’eishengyero wa Buhweju atoorainwe kuza omubigyere bya Geoffrey Ekanya.

Ab'eby'okwerinda baakingireho Nature's Green Resort Beach...(photo By Isaac Nuwagaba)

Orukiiko oru ruhingwize okutoorana akakiiko k’eby’oburuuru akakanya-bwanya kubaasa kutebeekanisa oburuuru bw’ekibiina kandi batooraine owabaire omuny’eishengyero wa Nakawa, Michael Kabaziguruka kukurira akakiiko aka.

#WestUpdates