FDC etooraine Eng. Patrick Amuriat kuba Purezidenti w’ekibiina

FDC etooraine Eng. Patrick Amuriat kuba Purezidenti w’ekibiina

N’ebya Isaac Nuwagaba

Ekibiina ekya FDC kitooraine Eng. Patrick Amuriat Oboi eizooba erya nyomwabazyo kugaruka kwetsimba omu ncuro endiijo nka Purezidenti w’ekibiina eki.

Amuriat naija kuba nayetsimbaho na Moses Byamugisha ou yaasingire omugwa 2017 ahantebe egi.

Patrick Oboi Amuriat arikwija kwehandiikisa...(Photo by Isaac Nuwagaba)

Omuhandiiki mukuru w’ekibiina eki kandi hoona Omuny’eishengyero wa Budadiri County West, Nathan Nandala Mafabi atoorainwe kwetsimba ahabwa Omuhandiiki mukuru w’ekibiina eki ahabw’encuro eya 2023-2028.

Enkwatanisa ya Amuriat na Mafabi etwaire nehakanisiibwa orubaju orundi omu kibiina ekya FDC abarikubajunaana ahabw’okwakira esente kuruga omu gavumenti ya NRM kandi bakabura kuzanjurira ekibiina.

Omuhandiiki Mukuru w'ekibiina ekya FDC, Nathan Nandala Mafabi bwanyima y'okuhandiikwa ahari Najjanankumbi omuri Kampala (photo By Isaac Nuwagaba)

Aharwakabiri, guruupu endiijo bebeembeirwe Amb. Wasswa Birigwa babingire Amuriat na Mafabi kandi batoorana Lord Meeya Erias Lukwago kuba ari Purezidenti w’ekibiina owakanya-bwanya.

Fdc Party President Patrick Amuriat Oboi arikuganiraho na Secretary General Nandala Mafabi (photo By Isaac Nuwagaba)

Orukiiko oru rubaire ahari Katonga obwo rwebembeirwe owabaireho Purezidenti wa FDC, Dr. Kizza Besigye.

#WestUpdates