Bamushazireho ebicweka by’ekihama, bamuteera amabaare bamwita ahabw’okwiba piki- Kamuli

N’ebya Doreen Musingo  

KAMULI

Abatuura ababaire baine ekiniga kyingi bacwireho omushaija ebicweka by’ekihama ahabw’okumuteekateekaho kuba omushuma wa Piki PIki na bwanyima bakamuteera bakamwita omu disiturikiti eya Kamuli.

Obwo arikutaka ahabw’obusaasi, ekikunga musisa ky’abantu bakwatsire amabaare bagamuteera bamwita omu kikorwa eki baireho Orwakataano ebiro 29/09/2023.

Pooriisi egambire omugyenzi nka; Stephen, 25 oitsirwe, ekikorwa eki abarikuta ebiragiro omunkora bajumiriire.

Micheal Kasadha, Omugambirizi wa Pooriisi ahabw’ekyanga ekya Busoga North, naagira ngu ekikorwa eki kibaire omukyaro kya Busanda omugomborora eya Bugulumbya omu disiturikiti eya Kamuli ahi Piki Piki erikugambwa kuba eyibirwe.

Kasadha nashoborora ngu bwanyima ya mukama wa Piki Piki kwetomboita ahakwiba Piki ye, abatuura ababaire batarikurabwa mu maisho batandikire omuhiigo omukasheeshe k’orwakataano okuhisya ahi bagwire ahari Stephen.

“Ku abuziibwe ahi abaire naaza, omugyenzi abagizire ngu abaire naruga omuri Kasambira omu disiturikiti eya Kamuli arikuza Luzinga omuri Buwenge omu disiturikiti eya Jinja beitu ngu abaire aburiire omu muhanda. Abatuura tibamazirwe, nikwo kumukwata bakamushara ebicweka bye by’ekihama na bwanyima bakamuteera amabaare bakamwita,” Kasadha arikushoborora.

Kasadha ojumiriire ekikorwa ky’abatuura kutwarira ebiragiro omungaro beitu yaagira ngu tihaine muntu weena owakwatsirwe.

#WestUpdates