Sipiika Among yataayaayira Ssegirinya omu eirwariro

Sipiika Among yataayaayira Ssegirinya omu eirwariro

N’ebya Omushaki Waitu
 
Sipiika w’eishengyero, Anita Among eriizooba yataayaayira omuny’eishengyero wa Kawempe North, Muhammad Ssegirinya obwahati ori omu eirwariro.

Arikurabira ahamukura gwa X, Among yaagira ngu Ssegirinya ariyo nabagye kandi yamushabira okukira.

Sipiika Anita Among yataayaayiraho Omuny'eishengyero Muhammad Ssegirinya omu eirwariro...(Photo by Parliament)

Ssegirinya, ow’ekibiina ekya NUP ariyo naragurirwa ah’eirwariro erya St. Francis Nsambya.

Ahakutandika kw’omwaka ogu, ogu akatwarwa Germany na Netherlands kutunga obujanjaabi bwanyima y’okutunga obureemezi bw’entsigo n’ekiine.

Sipiika Anita Among yataayaayiraho Omuny'eishengyero Muhammad Ssegirinya omu eirwariro...(Photo by Parliament)

Ssegirinya na Allan Ssewanyana owa Makindye West nibajunaanwa emishango erimu ey’obwitsi omu kooti enkuru eya Masaka.

#WestUpdates