Omukazi n’abahara 2 bakwateirwe okwiba emitoijo y’ekereziya.

N’ebya Saidi Engola 

OYAM
 
Pooriisi omu disiturikiti eya Oyam ekwatsirwe omukazi n’abahara 2 ahabw’okugambwa kuba baibire emitoijo y’ekereziya ya Anyeke Catholic Parish omu kiro ky’orwakabiri.

Banyakuteekateekwaho abakomiirwe aha Pooriisi ya Oyam barimu; Justine Opio, Anna Ojok Apili hamwe na nyinabo omanyirweho erya Eunice ryonka boona abatuura b’omukyaro kya Akaidebe omu tauni kanso ya Oyam.

Bwana mukuru wa Anyeke Catholic Parish, Fr Moses Pascal Omara naagira ngu baizire kumanya ngu emitoijo y’ekereziya eibirwe omu kasheeshe k’orwakashatu obu bagiire omu misa bakashanga orwigi rw’ekereziya rwigwire n’ebintu ebimwe eby’ekereziya bitarimu.

Okurugiirira ahari Omara, banyakuteekateekwaho nibagambwa kuba bahenzire enyigi z’ekishengye ky’abashomesa b’ekereziya barikujwariramu nikwo kwiba esente ezitakamanyirwe muhendo ezitwire zibikirwe kumarara ameezi 2, vinnyo n’ebindi bintu by’ekereziya.

Naagira ngu omu kucondooza, embwa ya Pooriisi ekangiirizi eyebembiire aba Pooriisi yabatwara omu kishengye kya Justine Opio ahi ebintu ebimwe eby’ekereziya birikugambwa kuba bishangirwe ekireteire abantu abo bakwatwa.

Moses Arinda, Orikukurira okucondooza aha mishango omu disiturikiti ya Oyam ahamize okukwatwa kw’abashatu abo kandi okucondooza kuriyo nikugyenda omu maisho.

#WestUpdates