Minisita Musasizi asiimire abahikyire ebya PLE omuri Rubanda East

Minisita Musasizi asiimire abahikyire ebya PLE omuri Rubanda East 

N’ebya Job Namanya Apuuli

RUBANDA:

Minisita w’eihanga ow’eby’esente kandi omuny’eishengyero wa Rubanda East, Henry Musasizi, aheireyo emifarasi erengyire 100 ahabeegi abakozire kurungi omubigyezo ebya PLE ahabw’omwaka 2023.

Minisita Musasizi atwire naheereza abeegi abarikuhika ebigyezo bya PLE emifarasi buri mwaka kandi nagiira ngu eki kigyendereire kuheereza amaani aba abari kuba babakuratiire kukora kurungi.

Omwaka ogu abeegi abarengyire 100 hamwe n’abazaire baabo berundire aha magomborora aga Bubare, tauni kanso ya Bubare, Hamuhambo tauni kanso, egomborora ya Hamurwa, Hamurwa tauni kanso hamwe n’egomborora ya Nyamweru kutunga emifarasi egi.

Minisita Musasizi asiimire abahikyire ebya PLE omuri Rubanda East...(Photo by Job Namanya Apuuli)

Pius Tumwiine, orikwebembera egomborora eya Bubare nagiira ngu kwiha nibatandika kutunga emifarasi egi, omwaka ogu abeegi beyongyireho kandi eki nikyoreka ngu okuhaya-hayana kweyongyire.

Mbabazi Andrew, orikwebebembera ishomero erya Rweere Primary School asiimire ebi omuny’eishengyero ariyo nakora n’okukira munonga okubaha ebizaamu ebya ‘pre-mock’ ekitumire abeegi bayeyongyera kukora n’amaani.

Meeya w’egomborora ya Hamurwa, Teddy Tumwesigye nag

Minisita Musasizi asiimire abahikyire ebya PLE omuri Rubanda East...(Photo by Job Namanya Apuuli)

iira ngu obuhwezi obu minisita aheire nibuyamba abazaire obutashohoza munonga kutwara abaana omu siniya.

William Rusinga, omuzaire kuruga Kataraga Cell omu tauni kanso ya Hamuhambo ashabire abashomesa ba siniya kuhwera abaana aba obutagira emicwe mibi nk’obusinzi, obushambani n’ebindi.

We Gerald Rukira, owa Bubare tauni kanso ashabire ngu okusiima abeegi kugumizemu kuhikye n’omu siniya kugyira ngu boona abarikwega baganyirwemu.

#WestUpdates