Abantu barikurenga 50 bakwateirwe omu muhiigo omuri Mbarara.
N’ebya Omushaki weitu
MBARARA
Pooriisi omu rurembo rwa Mbarara ekwatsire abantu 57 abarikuteekateekwa kuba enkozi z’ebihagaro abakwateirwe omu muhiigo ogukozirwe omu bicweka bitari bimwe omu rurembo.
Aba bakwateirwe omu myanya nka; Biafura, Nyamityobora, Katanga, Nkokonjeru, Ruharo hamwe na Mbaguta.
Samson Kasasira, Omugambirizi wa Pooriisi ahabw’ekyanga ekya Rwizi naagira ngu abantu 3 aha bakwatsirwe ni abakazi.
Kasasira nashoborora ngu banyakuteekateekwaho bakomiirwe aha Pooriisi enkuru eya Mbarara kandi aba bashangirwe n’amairungi n’eendiijo mibazi y’ebitokooza bwongo.
Nayongyeraho ngu boona abakwatsirwe nibeija kushwijumwa kandi abo abarikuteekateekwaho kuba bakozire emishango nibeija kutwarwa omu kooti bajunaanwe.
#WestUpdates
Related Articles
No Comment