Abantu 30 bakwatsirwe n’enjaayi omuri Mbarara.

N’ebya Christine Kyarikunda

MBARARA

Pooriisi omuri Mbarara City South Division ekwatsire abantu barikurenga 30 abarikuteekateekwa kuba enkozi z’ebihagaro omu muhigo ogukozirwe omu divijoni egi.

Omugambirizi wa Pooriisi ahabw’ekyanga ekya Rwizi, Samson Kasasira naagira ngu omuhigo ogu gubaire gwebembiirwe Omuduumizi wa Pooriisi ahabwa Mbarara City South Division.

Omuhigo ogu gukozirwe omu bicweka bya Katete, Biwunya, Kitebero, Rwemirinzi hamwe na Karugangama. Abakwatsirwe bashangirwe na kirogram z’enjaayi n’endiijo mibazi y’ebitokooza bwongo.

Ahitugiire kuhandiikira amakuru aga, banyakuteekateekwaho babaire bakikomiirwe aha Pooriisi y’omu Ruti kushwijumwa kandi abarateekateekweho kuba enkozi z’ebihagaro nibeija kutwarwa omu kooti bajunaanwe.

Kasasira naagira ngu omuhigo ogu nigwija kukorwa omu bicweka byona eby’omu rurembo rwa Mbarara.

#WestUpdates