Abeebembezi baiguraho purogyekiti z’amashomero eziheerizeho miriyooni 150

Abeebembezi baiguraho purogyekiti z’amashomero eziheerizeho miriyooni 150

N’ebya Adolf Ayoreka

MBARARA CITY:

Abeebembezi ba Mbarara City South Divijooni baiguraho purogyekiti ezatongoziibweho kandi zikakorwaho omumwaka gw’eby’esente 2022/2023.

Purogyekiti ezi harimu okushakara eky’ombeko ekiheerizeho shiringi miriyooni 32 ah’eishomero erya Nyamityobora Primary, kamina eyombekirwe ahari Ruti Primary School hamwe n’ebyombeko ahari Nyakahanga Primary School.

Kimwe ahakyombeko ekyatongozibwa..(Photo by Adolf Ayoreka)

Robert Kanusu, omuhwezi wa RCC ahabwa Mbarara City North owajwekyera RCC wa Mbarara City North, Moses Ariho, yaasiima abeebembezi ahabw’okuhikirira amashomero againe omwanya mukye gw’abeegi n’obutagira bwecumi.

Ogu yaagira ngu eki nikija kuhwera abeegi omubwegyese bwabo n’okutunguura obwegyese omuri Mbarara City North.

Okutunguura eby'obwegyese omuri Mbarara City South divijooni

Ahari Nyakahanga Primary School omu woodi ya Bugashe, oihireho okutunga ekyombeko ky’ebibiina bibiri, beitu nibeija kuggira ekizibu ky’obutagira entebe.

Didus Muhanguzi, kiraaka wa Mbarara City South Division yaagira ngu nibamanya omuringo ogu amashomero ga gavumenti gurimu beitu nibeija kuguma nibatunguura omubuheereza.

#WestUpdates