Abakozi 3 ba gavumenti bateirweho ogw’okukoresa kubi ofiisi- Mubende.

N’ebya Omushaki weitu

MUBENDE

Abakuru omu disiturikiti eya Mubende 3 bareebukireho omu maisho ga kooti ya Mubende ahi bateirweho omushango gw’obutafayo aha murimo gwabo.

Abashatu aba barimu inginiya wa disiturikiti John Baptist Muzibira, civil inginiya John Kamya Birungi hamwe n’orikukora nka mukuru w’eby’amagara ahabwa disiturikiti ya Mubende Vito Bosco Ssendikadiwa. 

Aba bakwatsirwe wiiki ehwaire ahabw’okugambwa kuba baakoriise kubi ofiisi zaabo n’okukwata eijaga omurimo gwabo.

Abashatu aba bakwatsirwe ekitongore ekya State House Anti-Corruption Unit ahabw’okugambwa kuba baaremirwe kurebereragye n’okureebuza omurimo gw’okwombeka ogwabaire nigukorwa ah’eirwariro erya Kibalinga health centre III ekyareteire omurimo ogu gutaahwa n’ababaire nibagukora kukoro ebikwangara.

Abakuru 3 aba basindikirwe aha rumanda okuhisya ebiro 30/04/2024.

#WestUpdates