Omujubi w’eby’enyanja aitsirwe ahabw’eby’enyanja 4- Jinja.

N’ebya Doreen Musingo

JINJA

Pooriisi pmu kyanga ekya Kiira ekwatsire abajubi 3 b’eby’enyanja ahabw’okugambwa kuba baitsire mutaahi waabo ahabw’okwiba eby’enyanja 4.

Abantu bashatu abakwatsirwe bamanyirwe nka; Moses Katasa, Wilber Magero na Irene Akurut.

Nikigambwa ngu omugyenzi omanyirweho erya Rogers ryonka ateekateekirweho kuba ayibire eby’enyanja 4 bya Irene Akurut orikumanywa munonga nka Mama Angel obu abaire ayanikire eby’enyanja ebyo kubyomesa.

Eki kibaireho Orwakataano aha kirwa ya Kisiima II omuri Walukuba/Masese southern divijoni omu rurembo orwa Jinja.

Okurugiirira aha kucondooza, Akurut ku abaire ariyo narambura eby’enyanja by ebibaire byanikire aha mushana ashangire nihaburaho eby’enyanja 4. 

Beitu hoona, ateekateekire ahari Rogers kuba niwe abyibire kandi amanyiiseho Katasa na Magero.

Omugambirizi wa Pooriisi ahabw’ekyanga ekya Kiira, James Mubi amanyiiseho TV West ngu ahabiro 04/05/2024 ngu na bwanyima bakingire enju batandika kureebera omu rwigi barikuteera Rogers. 

Beitu hoona, bamwe omu batuura babareebire bamanyiseho ceeyamaani w’ekyaro oizire akamanyisaho Pooriisi.

Mubi naagira ngu Pooriisi ehikire aha mwanya nikwo kugushwijuma kandi etungireho obujurizi. Nabwo, nibagira ngu ebyara by’omugyenzi bishangirwe aha mwanya kandi emikono yombi ebaire egorokire, ekirikworeka ngu aitsirwe kandi tayeyitsire.

Nakyoreka ngu abashatu aba bakwatsirwe kandi bakomiirwe aha Pooriisi enkuru eya Jinja aha mushango gw’okwita. 

Omutumbi gw’omugyenzi gutwirwe omu kabafu ah’eirwariro erihango erya Jinja kukyeberwa.

#WestUpdates