Okuhurira omushango gwa Nandutu ogw’amabaati nikugarukamu eriizooba.

N’ebya Beth Akatukunda

Okuhurira omushango ahi minisita minisita w’eihanga ow’enshonga za Karamoja, Agnes Nandutu arikujunanwa okubuzabuza amabaati agabaire gari ag’okuheebwa abantu b’omu kyanga ekya Karamoja nikugarukamu eriizooba aha kooti erikurwanisa obushomankuzi omuri Kampala.

Okuhurira omushango ogu okuhererukire omu kooti, Bazibu akagambira kooti eyabaire ekuriirwe Omuramuzi Jane Okuo Kajuga ngu akatunga amabaati 2,000 ahabwa Nandutu.

Omujurizi ogu naagira Nandutu akamugira ngu amabaati gakaba gari ag’abantu ba Bududa abateirwe ebitengure.

Omukuha obujurizi arikuhaburwa omutonganirizi mukuru omu mushango ogu David Bisamunyu na Jonathan Muwaganya, Bazibu akagira ngu akatunga amabaati kuruga omu ofiisi y’omuhwezi wa mukuru w’ebya ‘Inventory’ omu ofiisi y’enganzi y’eihanga omuri Namanve omu disiturikiti eya Mukono.

Akagambira kooti ngu akata omukono aha ‘voucher’ y’okuhamya ngu akatunga amabaati aga ahabwa Nandutu. 

Bazibu, beitu hoona, naagira ngu amabaati aga gakaija gatwarwa omu faamu ya Nandutu erikushangwa omu disiturikiti eya Mukono ahabw’okuba akaba nayenda kukoresa garagi ahi amabaati aga gabaire gabikingire ku paakingamu emotoka.

Bo ba puriida ba kitabarizibwa beebembirwe Evans Ochieng, nibagira ngu Bazibu akagambira kooti ngu Nandutu akaba ataruho kwebarira amabaati ago ngu n’ahabwekyo tarikubaasa kuhamya yaaba akaheebwa amabaati 2,000. Ochieng akaba nahwerwaho Charles Nandaah Wamukoota na John Nalela.

Okurugiirira ahari Bazibu, Nandutu naagira ngu akamanyisibwa minisita w’enshonga za Karamoja, Goretti Kitutu ngu akaheereza Nandutu amabaati 2,000 agu Nandutu yayikirize.

Obuhababi nibugira ngu ahagati y’okwezi kwa 6 n’okwa 7, 2022, omu sitoowa za ofiisi y’enganzi y’eihanga, Nandutu naagambwa kuba yatungire amabaati 2,000 agabaire gariho akamanyisa ka ‘office of the prime minister’ agabaire gari ag’okuheebwa abantu b’omu kyanga ekya Karamoja nikwo kufeerwa gavumenti esente nyingi.

#WestUpdates