Katikkiro Mayiga asabye bannaddiini obutasuulirira bya buwangwa

Bya Jackson Sewannyana

MUKWATADDAMULA wa Buganda, Charles Peter Mayiga, akalaatidde bannakyaddondo okusimba emmwaanyi awatali kuzikiza, kuba nti n’abagezaako okubatataaganya tebajja kubaganya.  

Ro 6(1)

Ono akubirizza ne banaddiini okuyimiriranga awamu n’Obuganda, nga kwebatadde n’obuteerabiranga buwangwa bwabwe nga bamaze okulangirirwa mu busumba okuweereza endiga za Katonda.

Nga basala cake

“Omusaaseredooti, asaana kutambuza okuyitibwa kwe ng’ali n’obuwangwa bwe, kuba emirimu gye agikolera mu bantu okubazza eri Katonda. Naye abantu abo, babeerako n’empisa, obulombolombo, ennono ne Kabaka waabwe, omusaseredooti by’alina okutegeera emirimu gye okusobola okunnyikira.” Bw’ati Mayiga bwe yakkaatirizza obukulu obuli mu bannaddiini obutassuula buwangwa.

Ro 12(1)

Obubaka buno obuweeredde mukujaguza jjubireeyo ey’emyaka 25 mu buweereza, eya faaza akulira ekleziya y’e Makerere eya St. Augustine, Rev. Fr. Josephat Kivumbi Ddungu.

Omukolo ogw’okujaguza guyindidde Busukuma mu Wakiso, Faaza Ddungu gy’azaalibwa ku ssomero lya  St. Joseph Nussary and Primary School, nga lino lyazimbibwa Faaza Ddungu ono ke nnyini.

Fr Joseph Ddungu wakati ng'ajagiza emyaka 25

Okujaguza kwataadise na kitambiro kya mmisa, ekyakulembeddwaamu omujaguza kennyi. Mukwogera kwe eri abeetabye mu kitambiro kino, ategeezezza nti, teyejjusa kusalawo kwe yakola okusumba endiga za Katonda.

“Obusaseredooti mbweyagariramu, era neenyumiriraza ne mu mirimu gye mbukoleramu naddala okuyigiriza ekigambo kya Katonda, okugatta abagole, okuwa amasakramentu n’ebirala. Mubusaseredooti muno byentuuseeko ne byenfunye bingi, era byenjagaliza n’abalala bonna” Bw’ati Fr. Ddungu bwe yategeezezza.

Ekitambiro kya misa bwe kyawedde, Fr. Ddungu ne Katikkiro Mayiga, buli omu yasimbye omuti ogw’ekijjukizo ky’okujaguza jjubirireewo eno.

Fr. Ddungu gamba, abayizi b’e Makerere yakabamalamu emyaka 15 ng’abaweereza. Yabeegattako mu September wa 2007 ng’omumyuka w’akulira ekleziya eno eya e y’e Makerere, naye mu 2014 n’asuumumusibwa n’abeera nga y’agikulira. Yatongozebwa ku bwa faaza mu 1995