Aba Jumia bajaguza emyaka 10

Ron Kawarama akulira Jumia Uganda agambye nti kirimu okusomooza kwamaanyi okuyimirizaawo bizinensi mu katale akajjudde okuvganya okwamaanyi.

Abadde ayogera ku kabaga kookujaguza bwe giweze emyaka 10 nga baweereza mu Uganda akabadde ku Union House, Bugolobi ku Lwokusatu June 8 2022.

Agambye nti ekibayambye ennyo okutambuza emirimu bwe bwesigwa abantu bwe babataddemu, okukola okunoonyereza ku bantu kye baagala n’okuyiiya okubawa ekisaanidde.

Bino yabitageezezza abakozi abatambuza ebintu n’abantu abalala abaakiikiridde ebitongole ebitambuza ebitereke ebinene,

 Omukungu wa UNDP, Innocent Fred Ejolu yagambye nti Jumia ekoze kinene okutumbula obulamu bw’abantu.

Noo 2

Agambye nti mu kiseera ky’omuggalo gwa Covid, baakola kinene okutuusa ebintu ku babiguze mu maka gaabwe nga tebavudde mu maka gaabwe era ne bizinensi ezaali ziyinza okuggalawo zaayambibwa okutuusa ebintu byabwe ku katale.

Agambye nti ekiseera kino kiyambye abantu okumanya nti enkola za digito zisobolera ddala okutambuza obulamu n’emirimu. Era enkola gye bakozesa, ensi esobola okugikozesa okuzimba obusobozi okutambuza emirimu ng’eyetaaga ekintu kimusanga mu kifo waali.

 Nga bawa bye batuseeko mu myaka 10, wabaddewo okutumbula obuguzi obutetaaga kusasua sente nkalu, okutuuka mu disitulikiti za Uganda zonna ng’omuntu afuna ebintu by’ayagala nga tatambudde kubinoonya.

Abantu abaddukanga mu ofiisi okugenda okufuna eky’emisana emmere bagibasanza mu kifo oluvannyuma lw’okukwatagana n’ebirabo by’emmere eby’omulembe 450 mu Kampala ne Ntebe.