Kirumira ne banne ababbisa emmundu bavunaaniddwa mu kkooti e Mukono

Omuwaabi wa gavumenti Irene Namboozo ategeezezza kkooti nti nga 9/6/2022 ku kyalo Kasagalabi ekisamgibwa mu kibuga Mukono,  Kirumira ne banne abalala basatu okuli; John Kalyango 22 omugoba wa Bodaboda ku kyalo Kitete,  Asuman Kanagodawa omusuubuzi nga mutuuze mu Kikooza ne Ismail Ssekubulwa baalumba amaka ga Immaculate  Nanyombi Gitta ne banyaga ebintu ebyenjawulo omwali essimu ez'ekika kya Samsung, Huwae za bukadde busatu,  'smart watch' ya ddoola 300 (mu za Uganda 1,110,000) saako n'essimu ekika kya IPhone bbiri ezibalirirwamu obukadde 2. 

Namboozo ategeezezza kkooti nti okunoonyereza kukyagenda mu maaso era n'asaba omulamuzi okwongezaayo omusango guno, nga wano Kirumira waawanikidde omukono era bw'aweereddwa omukisa n'ategeeza omulamuzi ng'omusango ogwamuleese mu kkooti bw'agumanyi obulungi era agukkiriza,wabula ng'ono omulamuzi tamuganyizza kumalayo n'amutegeeza nga kkooti bw'etalina buyinza kuguwuliriza.

Juma Katende Agambibwa Okunyaga Spice Supermarket Ng'akulembeddemu Banne Okugenda Mu Kkooti.

Kirumira agamba nti ye omusango ogumanyi kyokka banne abalala baavunanibwa nabo taberagako nabo musango gwonna.

Omulamuzi Mukoya ategeezezza Kirumira nti okunoonyereza kukyagenda mu maaso ku luuyi lwa gavumenti  nga bwe kunaaba kuwedde baakusindikibwa mu kkooti Enkulu gy'anaabitegeereza omulamuzi era singa omuwaabi wa gavumenti anaalemererwa okuleeta obujulizi kkooti ejja kubayimbula. 

Banno baakuddizibwa mu kkooti nga 23 omwezi guno okwongera okusomerwa emisango gino.