Eklesia y'Abasodokisi esiimye Obwakabaka bwa Buganda olw'okutumbula ebyenjigiriza

 

Fr. Stellios Kasule,Kabona ku Lutikko e Namungoona yeyebazizza Obwakabaka bwabadde abulira mu mmisa eyimbiddwa olwaleero okujjukira ameefuga ga Buganda n'okukuza olunaku lwa Bulungibwansi mu kifo kino n'akubiriza abazadde nabo okufaayo okutuukiriza obuwereeza bwaabwe wadde bayambibwako.

 

Dr. Anthony Wamala nga ye Minisita w'obuwangwa n'ennono ku lulwe yebazizza Eklisia olw'obubaka obukubiriza abantu okujjumbira ebyenjigiriza era n'abasaba bulijjo okulaga abazadde obukulu obuli mu kusoma kubanga nakwo kuli kitundu ku Bulungibwansi.

 

Dr. Wamala asomye obubaka bwa Katikkiro wa Buganda obw'olunaku lwa leero nga bukubiriza abantu okufaayo okutuukiriza obuvunanyizibwa bw'okuyonjanga ebitundu mwebabeera.

 

Eklesia era ewaddeyo okusaba okwenjawulo okusabira Kabaka n'obuganda bwonna nga kukulembeddwamu Fr. Emmanuel Kiwanuka akuuma ekifo Kya Diini wa Lutikko eno ey'omutukuvu Nicholas ng'asinzidde wano neyekokkola obucaafu n'obulagajjavu obususse mu bantu.

 

Leero Buganda ejjukira nga bwegiweze emyaka 61 bukya eva mu bufuzi bw'amatwale nga buno bwatandikira wano mu Buganda ate oluvanyuma nebusasanira ebitundu bya Uganda ebirala. Ate olwa October 9,1962,Buganda yegatta ku bitundu ebirala okukola ensi Uganda.