Omusirikale wa UPDF afiiridde mu kabenje mu Mabira
Akabenje kagudde e Sanga mu Mabira ku luguudo oluva e Kampala okudda e Jinja omujaasi wa UPDF ku ddaala lya Major n'afiirawo mbulaga. Maj. Habib Nsamba afudde motoka ye empya ey'ekika kya Land cruiser V8 ebadde edduka ennyo bwemulemeredde n'atomeregana ne Loole lukululana HOWA UBP 644S ebadde eva ku ludda lw'e Jinja nga eraga Kampala.
Emmotoka esse owa UDPF
Kitegeezeddwa nga omugenzi bwabadde y'akava e Somali nga n'e mmotoka yagiguze ennaku kumi eziyise era abadde yaakafuna number plate zaayo UBQ 424N zaabadde tanassaako.
Ensonda era zitegeezezza nga omugenzi bwaabadde agenda mu Nkambi y'amaje e Kimaka mu bitundu by'e Jinja.
Lukululana bwetomedde mmotoka gy'abaddemu emuwandudde nayo nedda emabega neetomera motoka ya Buyonjo Premio.
Emmotoka endala etomeddwa
omulambo gutwaliddwa mu gwanika ly'e Ddwaaliro e Kawolo Wabula omwogezi wa poliisi mu kitundu kya Sezibwa Helen Butoto tasobodde kulabikako kubaako ky'ayogera
No Comment