Sipiika Anita Among asambazze ebibadde byogerwa mbu yagaaniddwa okugenda mu lukung'aana lwa CHOGM e Somalia

SIPIIKA wa palamenti Anita Among asambazze ebyogerwa nga bweyagaaniddwa okugenda e Samolia okukiirira eggwanga mu lukiiko lwa (CHOGUM) n’agamba nti ensinsikana eri mu kitundu kino ekya Pacific Island z’abakulembeze bamawanga so si abantu bantu nga ye.

Sipiika okutuuka ku kino kidiridde omubaka w’e Lwemiyaga Theoadre Ssekikubo akumusaba atangaaze lwaki yaganiddwa okugenda ate nga Uganda y’emu ku mawanga wansi w’omukago gwa CHOGM ate nga omukolo gwatandise ggulo naye nga talaba muntu yenna yavudde ku palamenti.

Sipiika ono nga tanamuwa lukusa kwogera asoose mwewuunya kiki kyayagala okutegeezza palamenti kubanga abadde tasabye bantu kwogera ku nsonga ezikwata ku ggwanga wabula amaze n'amuleka ayogere ensoga ye.

Among ono amusekeredde buseekerezi n’agamba talina wantu wonna weyaganiddwa kugenda nga omukolo gwayogerako gwa ba pulezidenti, wabula nga ogwabwe ba sipiika ogumanyiddwa nga CSPOC gugenda kubeera India era nga ekiro kya leero agenda kusimbula n’ababaka abamu kubanga ye ssentebe w’ekibiina kino.

Amutegeezezza nga oguli e Samoa omukulembezze w’eggwanga bweyakiriddwa omumyuka we nga era ensonga zitambula bulungi ddala.

Ono amutegeezezza nti bwaba ayagala kumuwekera asobola okwetegeka nebagenda bonna n’akakasa nti ddala si bya lwali wabula kino Ssekikubo akiganye nti ye alina emirimu gyakwasanya mu ggwanga mu kadde kano.