Bankuba kyeyo baagala office webanaloopanga ebibasoomooza

EKIBIINA ekigatta abakozesa ekya “Federation Of Uganda Employers” kisabye gavumenti okussaawo ekifo ku minisitule y’abakozi bannayuganda abali ku kyeyo mu buwalabu webanakubanga essimu okuloopa obuzibu bwe bafunye.

            “Tumaze ebbanga nga twogerezeganya ne gavumenti nga tuyita mu minisitule y’abakozi nga tubasaba okuteekawo ekifo mu minisitule eno bannayuganda abali ku  kyeyo mu buwalabu abafuniraayo ebuzibu kwe banakubanga okuloopa ensonga zabawe” Opio bweyategezezza.

            Yagambye nti bannayuganda abasinga bafunira mu nsi zino ebizibu eby’enjawulo kyokka ate bakubira kampuni eza batwala oluusi ezimu ne zitafaayo kubayamba mu bwangu.

            Yagambyue nti ekirungi gavumengi yatukakkasiza okukola ku nsonga eno mu bwangu ddala ku ntandiika y’omwaka ogujja.

Bino Opio yabyogeredde mu lukungaana lwa bannamawulire lwebatuzizza ku Hotel African ku Lwokusatu bwe baabadde banjulira eggwanga biki bye bagenda okusimbaako esiira omwaka ogujja naddala ku ludda lwa bakozesa.

Yagambye nti  baludde nga bayogera ne gavumenti okulaba nga bateeka emikono ku ndagaano ne gavumenti zonna enddala ezitwala bannayuganda okubakozesa bawalabu.

Mu ngeri Opio yagambye nti baagala ne kampuni ezitwala abantu okukuba ebyeyo okukomya okuggya ku bannayuganda ssente be batwala ne baleeka nga baabatunzizza ebibanja bya bazadde baabwe kyokka ne gye bagenda okukola tebasobola kufunayo ssente ezo .