Abantu basatu bafiiridde mu kabenje

ABANTU basatu be bafiiridde mu kabenje ku kyalo Kyabaggu mu Divizoni y’e Njeru mu disitulikiti y’e Buikwe ku luguudo oluva e Jinja okudda e Kampala.
Akabenje kano kaabaddewo ku Ssande, mmotoka Fuso nnamba UBF164D eyabadde etisse ttani za kasooli ezisoba mu 20 ng’eva e Kampala ng’edda Busia bwe yalameredde omugoba waayo n’agisuula mu luwonko.
Mohamed Sebabi, omu ku baabaddewo yategeezezza nti ddereeva wa Fuso yabadde
agezaako okuyisa mmotoka eyamubadde mu maaso mu kkoona ku kyalo Kisoga  ’alemererwa kwe kugikuba mu luwonko okutaasa mmotoka endala.  Polisi n’abatuuze baakung’aanye okuggya emirambo mu mmotoka, wabula baasanze
akaseera akazibu olw’abagenzi okuwagamira mu byuma bya mmotoka era baabasazeemu na byuma, emirambo ne gitwalibwa mu ggwanika ly’e Jinja. Omwogezi wa poliisi mu bitundu bya Ssezibwa, Hellen Butoto yakakasizza akabenje kano era abagenzi baategeerekese nga John Lubega (40),
abadde omugoba wa mmotoka eno, Robert Kamoga (29) nga bombi batuuze mu disitulikiti
y’e Mubende wamu ne Innocent Mbabazi (16) ng’ono yabadde musaabaze