Abasuubuzi batandise okutalaaga eggwanga okuwulira ebibasoomooza

Abasuubuzi bano abeegattira mu kibiina kya "Uganda National Traders' Alliance-UNATA (omweegattira ebibiina by'abasuubuzi mu ggwanga), bawadde ensonga okubabadde; ey'okwaagala okuzuuula okusoomoozebwa bammemba baabwe naddala abakolera mu bitundu ebiri ebweru w'ekibuga Kampala kwe basanga mu bizinensi zaabwe n'okusala amagezi kungeri entuufu gye bayinza okukumalawo.

 

"Ebbanga lyonna ebizibu by'abasuubuzi abakolera mu bitundu by'eggwanga ebyenjawulo bibadde tebiweebwa budde olw'okubanga eddoboozi lyaabwe siryamaanyi bwooligerageeranya n'erya banaaabwe abakolera mu kibuga Kampala ekitwaalibwa ng'omutima gwa Uganda.

 

Wakati mu kwaagala eddoboozi lyaabwe liwulikike,tusazeewo okutambula ebitundu by'eggwanga ebyenjawulo tubasisinkane batubuulire ebibasooboza kituyambe okubiwa gavumenti ebikolereko amu n'ebya banaabwe abakolera mu kibuga wakati," bwatyo Pulezidenti wa UNATA,Godfrey Katongole bwategeezeza,oluvanyuma lw'olukiiko lw'okulangirira pulaani y'entekateeka eno eri banamawulre ku Lwokusatu.

 

Ono yayongeddeko nti ensisinkano ze bagenda okubeeramu n'abasuubuzi okuva mu bitundu ebiri ebweru wa Kampala era zaakwongera okubayamba okumanyagana n'okufuna eddoboozi ery'awamu okwoogera kunsonga ezibasoobooza ne gavumenti.

 

Ebigambo bya pulezidenti wa UNATA,byaawagiddwa,bamemba be.abaakulenbeddwa Micheal Byamusi(akulira ekibiina omweegattira abasuubuzi ba disitulikiti ye Kabale) ne Francis Esudu(bwe bafanaganya emirimu mu bitundu bye Teso),abakkatiriza obukulu bw'okuzuula ebisoomooza banaabwe abakolera ebweru wa Kampala. Era ne basaba banabwe naddala ab'omu kitundu ky'e Masaka (gye basuubira okutandikira), okweeyiwa  munkiiko ze banaakuba mu kitundu kyaabwe.