Sheikh Ramathan Mubajje bamwongedde ekisanja ku myaka 70

OLUKIIKO lw’abasiraamu olw’abamanyi oluyitibwa Malis Al Ulama lwongedde mufti Sheikh Ramanthan Mubajje n'omumyuka we sheik Muhammad Ali Waiswa ekisanja kya myaka ettaano.
Olukiiko luno olw’etabiddwamu bamemba ba executive, cabinet, general assembly, ba disitulikiti kaadi, abakulu b’ebitongole,bannamateeka ba UMSC n’abalala baakakasizza Mubajje ne Waiswa mu ofiisi y’obwamuffuti okumala emyaka ettaano emirala egyatandiise eggulo.
Omukolo gw’okukwasa Mubajje n’omumyuka we gukoleddwa ssentebe wa UMSC Hajji Prof Muhammad Lubega Kisambira, Dr. Sheikh Ziyad Swaleh Lubanga dayirekita wa Sharia, Ssabawandiisi wa Uganda Muslim Supreme Council Hajji Abas Ssekyanzi Muluubya n’abalala.
Hajji Prof.dr. Muhammad Lubega Kisambira ssentebe wa Uganda Muslim supreme council anyonnyodde nti olukiiko lwa Malis Al Ulama lwebuuzizza ku bamemba ba General Assembly ne bannamateka ba UMSC ne bazuula ng’okuddamu okuwa Mubajje ne Waiswa ekisanja eky’emyaka 5 emirala tekirina teeka lye kimenya.
Sheik Muhamad Ali Waiswa alagiddwa ku ky’obumyuuka bwa Mufti, agambye nti Allah bwaba asiimye okuwa omuntu obuwanguzi tewali agaana neyeebaza allah olw’obuwanguzi bwabbawadde.
Mubajje ategeezezza nti buli muntu amanyi UMSC gyeyali ne bweri era waliwo byebasobodde okutuukako ne byebakyatunuulidde okukola.
Anyonnyodde nti ng’omuntu abadde tasabangako kisanja n’olukiiko gye lwatulira teyaliiyo era talina wadde okusaba kweyasaamu okumwongera ekisanja wabula bamemba balabye nti asaanidde.
Yagambye nti olw’okubanga olukiiko lw’abamaanyi olukwatibwako ensonga lwasiimye ne lumulonda alina kukkiriza era ne yeeyama okukola ekisanja ekyamwongeddwa