'Bannabyabufuzi mwewala okusasaanya amawulire agattattana ekifaananyi ky’eggwanga'
Jun 12, 2025
MINISITA omubeezi ow’ebyobulambuzi akuutidde bannabyabufuzi okwewala okusasaanya amawulire agattattana ekifaananyi ky’eggwanga wabweru ne kiremesa okwongera ku muwendo gw’abalambuzi abajja.
By Bukedde Omusunsuzi
Journalist @NewVision
MINISITA omubeezi ow’ebyobulambuzi akuutidde bannabyabufuzi okwewala okusasaanya amawulire agattattana ekifaananyi ky’eggwanga wabweru ne kiremesa okwongera ku muwendo gw’abalambuzi abajja.
Martin Mugarra bwe yabadde ayogerako eri bannamawulire mu kutongoza emisinde gya Tusker Lite Mt Rwenzori Marathon egy’omulundi ogw’okuna ‘4th Edition’ ku Sheraton Hotel Kampala, yagambye bannabyabufuzi babeera bannansi abawagira eby’obulambuzi mu ggwanga.
Wabula ate abamu bwe bafuluma eggwanga balaga ng’eggwanga bwe litali ttebenkevu ne kiserebya eby’obulambuzi.
Martin Mugarra
Yagambye nti, gavumenti yakukola ekisoboka ng’eyita mu minisitule zayo okulima enguudo n’okukulakulanya ebifo eby’enjawulo eri abategesi b’emisinde gya Tusker Lite Mt Rwenzori Marathon basobole okudduka emisinde nga tewali kibasumbuwa.
Amos Wekesa akulira akakiiko akatesitesi ak’emisinde yagambye basuubira abaddusi 6000 okuva mu mawanga 50 mu edition ey’okuna “4th Edition Tusker lite Mt Rwenzori Marathon” egyigenda okuddukibwa e Kasese ku Lw’omukaaga nga August 23, 2025.
Wekesa yagambye ekiruubirirwa ky’emisinde gyino kya kwongera kuzuula bitone ebyenjawulo, okukuuma obutonde, n’okukulakulanya emirimu egyikolebwa e Kasese emisinde gyejiddukirwa.
Abaddusi okuva mu mawanga ag’enjawulo batandiise okwewandiisa, Kenya yakawandiisa abaddusi 2000. Ebimu ku biruubirirwa by’emisinde gyino gyakwongera kuyitimula kitiibwa kya misinde gyino mu nsi yonna n’ebiruubirirwa ebigendereddwamu okukyuusa obulamu bw’abantu abangi.
Related Articles
No Comment