Bannabyamizannyo 66 basiimiddwa aba UOC

Ekipande ekibadde kikola nga TV nga aba Uganda Olympic Committee kwebagabira abazannyi abaasinze mu 2024 kata kitte omwogezi bwe kyegonnomodde wansi olw’ampewo eyabadde ekunta ng’omukolo gugenda mu maaso.

Baabadde ku Sheraton Hotel mu birabo bya UOC Awards ebisookedde ddala kibuyaga ow’amaanyi bwe yazze n’asitula ekipaande kino okwanadde amataala agacamula emikolo ne kigwa ku siteegi ne kikuba omwogezi Andrew Kabula n’atamalaako mukolo.

Wabula yataasiddwa n’agamba nti teyafunye bisago bya maanyi.

Omukolo okwasiimiddwa bannabyamizannyo 66 omukazi n’omusajja abaasinze mu mizannyo egiri wansi w’akakiiko ka Uganda Olympic Committee (UOC) okuva mu bibiina 33 gwabadde gunaatera okuggwa kibuyaga eyakulembedde enkuba n’akuunta ku kidibakya woteeri eyo ekya Pool Side n’asuula ekipande.

UOC ke bavunaanyizibwa ku mizannyo egiri mu luse lwa Olympics mu ggwanga.

Pulezidenti waako, Don Rukare asiimye abazannyi abaasinze okukola obulungi mu mwaka gwa 2024 n’abasaba okwongeramu amaanyi n’asiima n’abavujjirizi wamu n’abakakiiko kano bonna.

Asiimye n’ebibiina ebiddukanya emizannyo gyonna 34 ebiri wansi waako.

“Wabaddewo ebirabo ebizze bigabibwa aba Uganda Sports Press Association (USPA), Fortbet Awards n’ebibiina ebitali bimu ne Sports Award ekyakatandika naye naffe tutandise. Kiruungi okusiima abazannyi kubanga baddamu amaanyi okukola ennyo. Buli kintu kibaako okusooka era naffe tutandise,” Rukare bwe yategeezezza.

Joseph Sebatindira (10) owa ttena ey’oku meeza ye y’asinze obuto mu baasiimiddwa olwokubeera nnamba emu mu nsi yonna mu muzannya gwa ttena eno mu bali wansi w’emyaka 11.

“Ebirabo bimpadde amaanyi okwongera okuzannya,” Sebatindira bwe yategeezezza.

Ate Husina Kobugabe owa ttena ey’ekyoya yasiimye UOC okutandikawo enkola eno nti kizzaamu amaanyi okusiimibwa ng’obadde tokisuubira.

Mu basiimiddwa ak’ensusso ye Sam Muwonge Mahabba atutte ekya munnabyamizannyo ow’entomo.

Abagenyi bagabuddwa ekijjolo wabula eb’ebikonde tebafunye kirabo wadde nga pulezidenti wa Uganda Boxing Federation (Moses Muhangi) yabaddewo.

Dominic Otuchet eyakulidde ebirabo ategeezezza nti kyavudde mu kakiiko ka Uganda Boxing Federation (UBF), obutaweereza bawanguzi nga bwe baasabwa.

“Ab’ebikonde bwe banaatuwa abawanguzi nabo bakukwasibwa ebirabo,” Otuchet bwe yategeezezza.

Ebibiina ebyasiimiddwa kwe kuli, emisinde, obuzito, obusaale, amaato, lacrosse, obugaali, rugby, ssabaawa, basketball, embalaasi, golf, judo, pentathrone, okubaka, baseball, ttena eyokukisenge, tawkwondo, ttena eyoku ttaka, hockey, amazina, ebiso, okutambulira ku bupiira, amazina, volleyball, okuwuga, ekigwo n’okuwalaampa enzozi.

Rukare agambye nti ebirabo bino kati kya buli mwaka.

Abaawangudde ebirabo bya UOC:

Omusajja: Joshua Cheptegei (muddusi)

Omukazi: Peruth Chemtai (muddusi)

Ekibiina ekyasinze – UAF (Misinde)

Ttiimu eyasinze mu basajja: Rugby

Ttiimu eyasinze mu bakazi: Kubaka

Abazannyi abaasiimiddwa mu buli muzannyo:

Mr. Abdul Fedha Rakib - Gymnastics

Ms. Sylvia Nakyejwe

Kathleen Noble (Olympian)  - Rowing

Mr. Elijah Namunyu  

 Ms. Lydia Nakidde - Weightlifting

Mr. Davis Niyoyita    

Joshua Joshua Cheptegei (Olympian) -   Athletics

Peruth Chemtai (Olympian)

Mr. Faisal Nsubuga - Lacrosse

 Ms. Ruth Tushemereirwe

Ms. Rahma Kasajja - Archery

Mr. Solomon Semukete    

Ms. Husina Kobugabe - Badminton

Mr. Augustus Owinyi

Ms. Hope Akello -Basketball

Mr. Titus Laul

Ms. Miria Nantume - Cycling

Charles Kagimu (Olympian)   

Mr. Jackson Adriko-Equestrian

Ms. Miranda Bowser

Mr. Ronald Otile -Golf

Ms. Peace Kabasweka

Ms. Lilian Achola -Handball

Mr. Ignatius Anzoretu       

Ms. Zubeda Talikaza Judo

Mr. Fred Ssekate

Mr. Marshal Miro -Modern Pentathlon

Ms. Rashida Najjuma

Ms. Maggie Baagala - Netball

Mr. David Walugembe     

Mr. David Matoma-Baseball and Softball

Ms. Jazera Nabalirwa

Ms. Julian Ainomugisha -  Squash

Mr. Paul Kasirye Kagoma

Mr. Cranima Wakurwoth - Taekwondo

Ms. Rose Kizza  

Mr. Samuel Okello -   Tennis

Ms. Patience Athieno

Ms. Winnie Alaro -Hockey

Mr. Jordan Mpiima    

Ms. Martha Buyinzika -Canoe

Mr. Musa Bangili

Ms. Sophia Kawala -  Dance Sport

Mr. Gilbert Ahebwa   

Mr. Kenneth Justine Wasswa - Fencing

Ms. Ruth Pakisa 

Mr. Joakim Katende - Shooting

Ms. Cleoptra Mungoma    

Ms. Myra Marie Anyango -Skating

Mr. Brian Bukenya    

Sir Joseph Sebatindira -Table Tennis

Ms. Parvin Nangonzi

Mr. Jonathan Tumukunde -Volleyball

Ms. Hadijah Otin       

Ms. Harriet Akite -Wrestling

Mr. Rogers Mukyeda

Ms. Peace Lekuru -Rugby

Mr. Timothy Kisiga   

Mr. Jonathan Ssentongo -Sport Climbing

Ms. Credo Kyasimire       

Ms. Gloria Anna Muzito (Olympian) -Swimming

Mr. Jesse Ssuubi Ssengonzi (Olympian)