Ababbi b'omu Kawempe baleese enkola y'okubba abantu ne bamala ne babawa transport okusinziira olugendo gyebalaga

BANNAKAWEMPE balaajanidde  ebitongole ebikuuma ddembe ku bamenyi bámateka abafuuse ekizibu nga kati babbisa jjoogo omuli okubanyagululako ebintu byabwe okuli ne ssente ne babaddizako esizobola okubatuusa ewaabwe.

Kino kiddiridde abantu abawerako oluteegebwa abamenyi b'amateeka ne babanyagulula kyokka ku ssente ze bababbyeko ne babaddizaako ez'entambula ezibatuusa gye balaga kye bagamba nti lino jjoogo ly'enyini ng'ebitongole ebikuuma ddembe birina okusitukiramu 

Samuel Kyewalyanga 45 omukubi w’ebivuga mu buvulu yagambye yabadde ava Buloba  yafunye boda boda we yatuuse waviirako ng’awasigadde atambuuzewo ebigere atuuke ewaka we yasangidde abavubuka basatu nga bakutte ebyambe ebyoogi baamulagidde abawe byonna byalina oba sikyo obulamu talina essimu biri ekika kya ltel  3010 ne ndala n’ekimu ku kyuma ky’akozesa mu bidongo  saako 150,000/

Abatuuze nga baggyawo omulambo gwa Mujuzi ababbi gwebaakuba ne bamutta

Yagasseeko nti  nga bamaze okumuggyako byonna baamubuzizza  bwe n’abagamba nti agenda Luweero ne bamuddizza  10,000/ kuzebaamugyeko ne bamugamba atuuke mirembe, ate Abdu Muwonge owe Nammere baamutayiizza ku ssaawa  4 ez’ekiro ng’ava mu mulimu e Mpererwe abavubuka baabadde 7 nga bakutte obuyinja (Pevazi) ne bamukwata akabaddiya ne bamuggyamu  350000/ ne bamuddizzako 5000 ez’okugula ebya ddaaku nga tebalina kye baamulekedde okuggyako engoye ne ntalabuusi .

Fred Muwanguzi Ssengendo omusumba we kkanisa ya Prayer Leading e Gayaza yagudde mugaali y’ababbi e Mpererwe misana  yategeezezza nti  ekibinja kyabadde kiwerako ne bamusikambula ne bamukuba ne bamuggyako essimu yabadde agezaako okuwondera ne bamukuba ne bamusuula wansi ne bamukuba bubi nnyo okukakkana ng’afunye obuvune mu mbirizi.

Abatuuze nga baggyawo omulambo gw'omuntu eyakubwa abamenyi b'amateeka

Luke Owesigyire omumyuka w’omwogezi mu kampala n’emiriraano yagambye nti e Kawempe bazze bakolayo ebikwekweto ebyenjawulo ku bavubuka abakyamu ng’era bikyagenda mu maaso n’asaba abatuuze okukolagana n’ebitongole ebikuuma ddembe  ku ky’olugambo mu basirikale yagambye bwe wabaawo omusirikale akikoze avunanibwa  basoboola okugenda ku poliisi enene .