Omukama Ruhanga Owobusobozi Bisaka agumizza abantu b'omu West Nile nti tewali ajja kutabangula ddembe lyaleetebwa NRM

AKULIRA enzikiriza y'Obumu Omukama Ruhanga Owobusobozi Bisaka agumizza abantu b'omu West Nile  nga bwewatali muntu agenda kutabangula mirembe gyaleetebwa NRM mu kitundu kyabwe.

Ow'obusobozi Bisaka okwogera bino yabadde akulembeddemu gw'okulamaga mu bitundu bya West Nile nga baasinzidde mu disitulikiti ya Arua.

Abagoberezi nga bali ne Bisaka

Bisaka yagambye nti  bangi bajja ne bawubisa abantu ssaako okuvumaganya n'okuseketerera Gavumenti ng'ate wrina ebirungi bingi byekoledde Gavumenti.

Bisaka yasinzidde mukulamaga kuno nayanilinza abantu abaasobye mu 230 nga mwabaddemu n'abazungu okuva mu nsi ya Budaaki  abasaze eddiro ne begatta ku nzikiriza yo Obumu okuva mu madiini amalala.
Yabakutidde okwewala emize egy'okwawula mu bantu era nabassba okuwagira Gavumenti ya NRM naddala mukulonda kwa 2026.

Okulamaga kumulundi guno kwaabadde wansi w'omulamwa gw'okusomesa Obumu kwossa n'okumanyisa abantu mu West Nile ebirungi ebikoleddwa Gavumenti ya NRM kwossa ne Pulezidenti Museveni.

Okulamaga kwayindidde ku kisaawe kya OPM mu kibuga Arua nga kwamaze ennaku 4.

Bbo abakulembeze mu kitundu kino nga bakulembeddwamu RPC wa West Nile  Alfred Zaake  bebazizza nnyo Owobusobozi Bisaka olw'okuyambako Gavumenti mu kulwanyisa obumenyi bw'amateeka kwossa nokuuwa abantu  emirimu nga tafuddeyo kunzikiriza zaabwe.

Omukama Bisaka

 
Ye Rcc wa Arua City  Salim Komaketch yasabye abakkiriza okusigala nga bagoberera nnyo enteekateeka za Gavumenti era neyebaza Owobusobozi Bisaka olw'okukumaakuma abawereza okubeera abakozi ennyo.

Abantu abasoba mu 167 bayambaziddwa amakanzu okutandika okuwereza Omukama Ruhanga Owobusobozi Bisaka nga bano bavudde mu disitulikiti okuli Ajumani, Koboko, Zombo, Terego newalala.