Katikkiro asabye Gavt.ssente z’okutumbula ebyobulimi

KATIKKIRO Charles Peter Mayiga, asinzidde mu Lukiiko lwa Buganda n’asaba Gavumenti emuwe obuwumbi bwa ssente azisse mu nkola ya Mmwaanyi Terimba asitule omutindo gw’embeera z’abantu.
Okutuuka ku kino yabadde ayogera ku mbeera z’abantu n’alambulula Gavumenti by’esaanye okukola okukyusa embeera ya Bannayuganda nga muno mwe muli n’okussa ssente mu bintu ebikolebwa bannayuganda ebyeraze nti bisobolera ddala okubaggya mu bwavu nga mu kirime ky’emmwaanyi.
“Mpulira obuwumbi n’obuwumbi obuweebwa abantu abamu okutumbula kaawa, naffe batuwe ku ssente ezo tuzisse mu mmwaanyi-terimba” Bwe yategeezezza.
Mu kifo kya Gavumenti okugaba amabaasa agataleeta nkulaakulana ssente zissibwe mu makubo agagasiza abantu awamu, era ebyo bye bijja okuleeta enkulaakulana, “ Katikkiro bwe y’agambye.
Ng’aggulawo Olukiiko luno Katikkiro yatandise bwati:
“Kansooke okubategeeza nti Ssaabasajja Kabaka gyali mu Lubiri lwe, ateredde ntende alamula Obuganda,” ebigambo bino Mayiga yabitegeezezza abakiise, olwo bonna ne bayimirira ng’enkola bw’eri ne bagattako emizira n’engalo..
Yayongedde n’agamba nti “ Omutanda gyali akola emirimu gye naye mpola mpola kubanga mbadde mbabuulira bulijjo, ndowooza Omutanda twamukozesa nnyo mu myaka egyo gyonna egikulembedde.”
Obuganda bubadde mu nnyonta ey’okumanya ebifa ku Kabaka n’embeera mwali kati nga wadde bwali bwamulabako nga April 6, 2025 mu Lubiri e Mmengo ng’asimbula emisinde gy’amazaalibwa ge, bwali bwesunze okuddamu okumulabako nga April 13, 2025 ku mukolo gw’amazaalibwa ge ag’emyaka 70 ogwali mu lutikko e Lubaga ate n’okuggulawo empaka z’ebika by’Abaganda e Wankulukuku.
nga May 3, 2025, ekitaasobose