Ente ey'amayembe asatu ewuniikiriza abakinjaagi b'oku Kaleerwe ne bagiwanuuza

ENTE ey’amayembe asatu ewuniikirizza abakinjaagi mu lufula abamu ne banonooza nti ebadde ya byabuwangwa ng'okusigala yandiviirako abaagitunze okufuna ebizibu.

Omukinjaagi Ng'ali N'ente Eyasaliddwa

Abakinjaagi mu lufula y’oku Kaleerwe ku Eid ul Adha baalabye kye batalabangako omu ku basuubuzi bwe yatutte ente ng’erina amayembe asatu ekyaviriddeko n’abamu okugaana okugisala nga baagala bagifuule eky’obulambuzi.

Ali Mubiru omu ku basuubuzi mu lufula  y'oku Kaleerwe yategeezezza  nti eky’ente okuba n'amayembe asatu babadde tebakirabangako ng'era baakyewuunyizza nnyo.